తాడిగడప మున్సిపాలిటీ అభివృద్ధికి రూ.95 లక్షలు

తాడిగడప మేజర్ న్యూస్ : తాడిగడప మున్సిపాలిటీ పరిధిలోని పోరంకి, తాడిగడప, కానూరు ప్రాంతాల్లో రూ.95 లక్షల వ్యయంతో చేపట్టనున్న సీసీ రోడ్లు, డ్రైన్ల నిర్మాణ పనులకు పెనమలూరు ఎమ్మెల్యే బోడే ప్రసాద్, కృష్ణ జిల్లా తెలుగుదేశం పార్టీ అధ్యక్షుడు వీరంకి గురుమూర్తి శంకుస్థాపన చేశారు. ఈ సందర్భంగా ఎమ్మెల్యే మాట్లాడుతూ కూటమి ప్రభుత్వం అధికారంలోకి వచ్చిన తర్వాత తాడిగడప మున్సిపాలిటీలో అనేక అభివృద్ధి కార్యక్రమాలు చేపట్టామని, ప్రజలకు మెరుగైన మౌలిక సదుపాయాలు కల్పించడమే లక్ష్యంగా రహదారులు, మురుగునీటి కాలువల అభివృద్ధికి ప్రాధాన్యత ఇస్తున్నామని తెలిపారు. హామ్‌ పథకం కింద చేపట్టాల్సిన మరిన్ని రహదారి అభివృద్ధి పనులు వివిధ దశల్లో ఉన్నాయని, అవి పూర్తయితే మున్సిపాలిటీ అభివృద్ధి మరింత వేగవంతమవుతుందని పేర్కొన్నారు. ప్రజల అవసరాలకు అనుగుణంగా మిగిలిన అభివృద్ధి పనులను దశలవారీగా పూర్తి చేస్తామని, రాబోయే రెండున్నరేళ్లలో సాధ్యమైనన్ని పనులు చేపట్టి తాడిగడప మున్సిపాలిటీని అన్ని రంగాల్లో అభివృద్ధి చేసేందుకు కట్టుబడి ఉన్నామని బోడే ప్రసాద్ స్పష్టం చేశారు.

స్టాఫ్ రిపోర్టర్: ✍️ ప్రేమ్ రాజ్, తాడిగడప, కృష్ణాజిల్లా