సరస్ మేళాకు స్వచ్ఛమైన తాగునీరు అందించాలి : నగరపాలక సంస్థ కమిషనర్ ధ్యానచంద్ర

విజయవాడ కార్పొరేషన్ మేజర్ న్యూస్ : భవానీపురంలోని పున్నమి ఘాట్ వద్ద అక్టోబర్ 15 నుంచి 31వ తేదీ వరకు నిర్వహించనున్న సరస్ మేళాకు వచ్చే ప్రజలకు స్వచ్ఛమైన, సురక్షితమైన తాగునీరు అందించాలని విజయవాడ నగరపాలక సంస్థ కమిషనర్ ధ్యానచంద్ర అధికారులను ఆదేశించారు. మంగళవారం ఉదయం మేళా ప్రాంగణాన్ని క్షేత్రస్థాయిలో పరిశీలించిన ఆయన, వివిధ రాష్ట్రాల నుంచి పాల్గొనే లఖ్‌పతి దీదీలు, సందర్శకులకు అవసరమైన మౌలిక సదుపాయాలు కల్పించాలని సూచించారు. ఈ సందర్భంగా తాగునీటి నాణ్యతను స్వయంగా పరిశీలించి, ఎప్పటికప్పుడు పరీక్షలు నిర్వహిస్తూ నాణ్యతా ప్రమాణాలకు అనుగుణమైన నీటినే సరఫరా చేయాలని స్పష్టం చేశారు. మేళా జరిగే అన్ని రోజుల్లో తాగునీటి సరఫరాపై నిరంతర పర్యవేక్షణ చేపట్టి, సందర్శకులకు ఎలాంటి అసౌకర్యం కలగకుండా చర్యలు తీసుకోవాలని అధికారులను ఆదేశించారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా