పట్టణ స్థానిక సంస్థల ఎన్నికల విధానాలపై అధికారులకు శిక్షణ

విజయవాడ కార్పొరేషన్ మేజర్ న్యూస్ : విజయవాడ నగరపాలక సంస్థ పరిధిలో నిర్వహించనున్న 2026 రెండో సాధారణ పట్టణ స్థానిక సంస్థల ఎన్నికల నేపథ్యంలో రిటర్నింగ్ అధికారులు, అసిస్టెంట్ రిటర్నింగ్ అధికారులకు మంగళవారం గవర్నర్‌పేటలోని ఐవీ ప్యాలెస్‌లో శిక్షణా కార్యక్రమం నిర్వహించారు. నగరపాలక సంస్థ కమిషనర్ ధ్యానచంద్ర ఆదేశాల మేరకు ఎన్నికల నోడల్ అధికారి, అదనపు కమిషనర్ ఏ. రవీంద్రరావు, ఎన్నికల శిక్షణ నోడల్ అధికారి డాక్టర్ డి. హరీష్ ఆధ్వర్యంలో ఈ కార్యక్రమం జరిగింది. నామినేషన్ల స్వీకరణ, ఎన్నికల నివేదికల తయారీ, పోలింగ్ ప్రక్రియ, ఎన్నికల నిర్వహణలో పాటించాల్సిన నిబంధనలు, విధివిధానాలపై అధికారులకు అవగాహన కల్పించారు. మేయర్, వార్డు సభ్యుల ఎన్నికలకు సంబంధించిన అధికారులు నిర్దేశిత సమయానికి శిక్షణకు హాజరుకావాలని, రిటర్నింగ్ అధికారుల హ్యాండ్‌బుక్‌ను క్షుణ్ణంగా అధ్యయనం చేసి ఎన్నికల మార్గదర్శకాలను పూర్తిగా తెలుసుకోవాలని సూచించారు. ఎన్నికల విధులను సమర్థవంతంగా నిర్వహించేందుకు ముందస్తు సన్నద్ధతతో ఉండాలని అధికారులు స్పష్టం చేశారు. ఈ కార్యక్రమంలో మేయర్ ఎన్నికల రిటర్నింగ్ అధికారి, హౌసింగ్ పీడీ రజనీకుమారి, అసిస్టెంట్ రిటర్నింగ్ అధికారి, వెస్ట్ డీటీఈ ఇస్మాయిల్ తదితరులు పాల్గొన్నారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.