విజ్ఞాన్స్‌ వర్సిటీలో ‘హెచ్‌ఆర్‌ కాన్‌క్లేవ్‌–2026’ విజయవంతం

 గుంటూరు కలెక్టరేట్ న్యూస్ : ​ చేబ్రోలు మండలం వడ్లమూడిలోని విజ్ఞాన్స్‌ విశ్వవిద్యాలయంలో ‘హెచ్‌ఆర్‌ కాన్‌క్లేవ్‌–2026’ ఘనంగా ముగిసింది. ఆఫీస్‌ ఆఫ్‌ ఇండస్ట్రీ రిలేషన్స్‌ ఆధ్వర్యంలో ‘రీఇమాజినింగ్‌ టాలెంట్‌ ఫర్‌ ద ఏఐ ఎకానమీ – బిల్డింగ్‌ ఇండస్ట్రీ–రెడీ టాలెంట్‌’ అనే ఇతివృత్తంతో ఈ కార్యక్రమాన్ని నిర్వహించారు. మారే సాంకేతికత, ఏఐ (AI) అవసరాలకు అనుగుణంగా విద్యార్థులను తీర్చిదిద్దడమే ఈ కాన్‌క్లేవ్‌ ప్రధాన ఉద్దేశమని వైస్‌ చాన్స్‌లర్‌ ప్రొఫెసర్‌ కేవీ క్రిష్ణకిషోర్‌ తెలిపారు. ఏఐ, కంప్యూటింగ్, బిజినెస్ & హెచ్‌ఆర్, అగ్రి-ఫుడ్, ఇండస్ట్రీ 5.0 (కోర్ ఇంజినీరింగ్), సెమీకండక్టర్లు &,ఇంటెలిజెంట్ సిస్టమ్స్, లైఫ్ సైన్సెస్ వంటి ఆరు కీలక విభాగాలపై పారిశ్రామిక నిపుణులు విద్యార్థులకు అవగాహన కల్పించారు.​ఏఐ–పవర్డ్‌ హెచ్‌ఆర్‌ యాక్టివిటీస్ లో భాగంగా  అధునాతన నియామక ప్రక్రియలపై అవగాహన.​గ్లోబల్ కెరీర్ సెషన్: విదేశీ విద్య, అంతర్జాతీయ ఉద్యోగావకాశాలపై మార్గదర్శనం చేశారు.​రెజ్యూమ్‌ రష్ లో భాగంగా ఏఐ సాధనాలు వాడకుండా సొంత సృజనాత్మకతతో రెజ్యూమేల రూపకల్పన.​హెచ్‌ఆర్‌ పోడ్‌కాస్ట్‌, కెరీర్ మెంటరింగ్ లో భాగంగా నిపుణుల అనుభవాలు, ఉద్యోగ సన్నద్ధతపై సలహాలు.​ప్రముఖ సంస్థల భాగస్వామ్యం కావడంతో విప్రో, ఐబీఎం, మారుతి సుజుకి, ఐటీసీ, మోస్చిప్, డాక్టర్ రెడ్డీస్, గ్రీన్‌కో, జియో వంటి 30కి పైగా ప్రముఖ పారిశ్రామిక సంస్థల ప్రతినిధులు ఇందులో పాల్గొన్నారు.​పరిశ్రమల అవసరాలు, విద్యాసంస్థల శిక్షణ మధ్య అంతరాన్ని తగ్గిస్తూ విద్యార్థులకు భవిష్యత్ ఉద్యోగావకాశాలపై స్పష్టతనివ్వడానికి ఈ కాన్‌క్లేవ్ ఎంతగానో ఉపయోగపడింది.