విజ్ఞాన వికాసానికి చక్కని వేదికలు గ్రంధాలయాలు : అన్నమయ్య జిల్లా డీఈఓ సుబ్రహ్మణ్యం వెల్లడి : ఘనంగా ప్రారంభమైన 59వ గ్రంథాలయ వారోత్సవాలు

మదనపల్లె,మేజర్ న్యూస్ : మదనపల్లి ప్రధాన శాఖ గ్రంధాలయం నందు 59వ జాతీయ గ్రంథాలయ వారోత్సవాలు ఘనంగా ప్రారంభమయ్యాయి.ఇందులో భాగంగా తొలిరోజైనా శనివారం బాలల దినోత్సవాన్ని పురస్కరించుకొని గ్రంథాలయ సమావేశ మందిరంలో ప్రత్యేక కార్యక్రమాన్ని ఘనంగా నిర్వహించారు.గ్రంథాలయ అధికారిణి ఆర్.వసంతకుమారి ఆధ్వర్యంలో జరిగిన ఈ కార్యక్రమానికి పలువురు విద్యాశాఖ అధికారులు,ప్రముఖులు,సా హితీ వేత్తలు హాజరయ్యారు.ఈ కార్యక్రమానికి విశిష్ట అతిథులుగా అన్నమయ్య జిల్లా విద్యాశాఖ అధికారి (డీఈఓ) సుబ్రహ్మణ్యం,సీనియర్ సిటిజన్స్ వెల్ఫేర్ అసోసియేషన్ జిల్లా అధ్యక్షులు,ప్రభుత్వ విశ్రాంత ఉద్యోగుల సంఘం ప్రధాన కార్యదర్శి డాక్టర్ ఎన్.మునిగోపాలకృష్ణలు హాజరయ్యారు.అలాగే గౌరవ అతిథులుగా మదనపల్లె మండల విద్యాశాఖ అధికారి ప్రభాకర్ రెడ్డి,రామసముద్రం మండల విద్యాశాఖ అధికారి,రాష్ట్ర రచయితల సంఘం ఉపాధ్యక్షులు టీఎస్ఏ కృష్ణమూర్తి,డాక్టర్ గొల్లపూడి తిరుపతిరావు,విశ్రాంత లైబ్రరీ ఆఫీసర్ జనార్దన్ రెడ్డిలు పాల్గొన్నారు.మోటివేషనల్ స్పీకర్ రామ్మూర్తి,నాగరాజ,మదనపల్లె రచయితల సంఘం కార్యదర్శి యుగంధర్ ఆచారి,సినీ దర్శకుడు కరుణాకర్ తదితరులు కార్యక్రమానికి పాలు పంచుకున్నారు.ఈ సందర్భంగా డీఈఓ సుబ్రహ్మణ్యం మాట్లాడుతూ బాలల దినోత్సవం సందర్భంగా నిర్వహించిన ఈ కార్యక్రమంలో పాల్గొన్న చిన్నారులకు,ప్రముఖులకు శుభాకాంక్షలు తెలిపారు.విద్యార్థులు పుస్తక పఠనాన్ని అలవాటు చేసుకోవాలని,గ్రంథాలయా లను సద్వినియోగం చేసుకోవాలని సూచించారు.డాక్టర్ ఎన్.మునిగోపాలకృష్ణ మాట్లాడుతూ అన్నమయ్య జిల్లా కేంద్రంలోని మదనపల్లె శాఖా గ్రంథాలయం మరింత అభివృద్ధి చెంది జిల్లాలోనే ప్రథమ స్థానంలో నిలవాలని ఆకాంక్షించారు.గ్రంథాలయ అధికారిణి వసంతకుమారి 59వ జాతీయ గ్రంథాలయ వారోత్సవాలను చక్కగా నిర్వహిస్తున్నందుకు అభినందనలు,కృతజ్ఞతలు తెలిపారు.బాలబాలికలకు బాలల దినోత్సవ విశిష్టతను వివరించారు.డా.మునిరత్నమయ్య మాట్లాడుతూ మదనపల్లె గ్రంథాలయం జిల్లాలోనే ఆదర్శ గ్రంథాలయంగా అభివృద్ధి చెందాలని ఆకాంక్షించారు.ఎంఈఓ ప్రభాకర్ రెడ్డి మాట్లాడుతూ గ్రంథాలయ అభివృద్ధికి తన వంతు సహకారం అందిస్తానని తెలిపారు.అనంతరం బాలబాలికలకు నిర్వ హించిన వివిధ పోటీల్లో విజేతలుగా నిలిచిన విద్యార్థులకు డీఈఓ సుబ్రహ్మణ్యం బహుమతులు అందజేసి అభినందించారు.ఈ కార్యక్రమం బాలబాలికల్లో పుస్తక పఠనంపై ఆసక్తిని పెంపొందించడంతోపాటు గ్రంథాలయాల ప్రాధాన్యతను చాటిచెప్పింది.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి