వరద నీటితో బుగ్గ వారి వీధి మునక

బుగ్గ వారి వీధిలో మోకాలు లోతు నీరు

తాడేపల్లిగూడెం, మేజర్ న్యూస్; తాడేపల్లిగూడెం పట్టణంలో స్థానిక 17వ వార్డు, బగ్గా వారి వీధిలో మూడు రోజుల నుంచి ఎడతెరిపి లేకుండా కురిసిన వర్షాలకు రహదారులు మోకాలు లోతు నీటిలో మునిగిపోయాయి. ఇళ్లల్లోకి కూడా నీరు చేరడంతో దిక్కు పోచని స్థితిలో రాష్ట్ర తెలుగుదేశం పార్టీ ఆర్గనైజషన్ కార్యదర్శి గొర్రెల శ్రీధర్ను ఆశ్రయించారు. కనీసం నిలబడడానికి కూడా అవకాశం లేని విధంగా ఇంటిలోకి కూడా నీరు వెళ్లి ఇబ్బందులు పడుతున్న తరుణంలో విషయాన్ని తెలుసుకున్న గొర్రెల శ్రీధర్ స్వయంగా వెళ్లి పరిస్థితిని పరిశీలించి నీటిని బయటకు తరలించే అవకాశం లేక నీటిని తోడే ఇంజన్లు ఏర్పాటు చేయడానికి సన్నాహాలు చేశారు. ఈ సందర్భంగా ఆ ఇళ్లలో ఉన్నటువంటి వారిని సురక్షిత ప్రదేశంలో ఉండమని చెప్పి, తగు చర్యలు తీసుకునేలాగా తన సొంత ఖర్చులతో ఆ నీటిని బయటకు ప్రయత్నం చేశారు. 17,19,23,24 వార్డులలో కొన్ని ప్రాంతాలలో రోడ్లు నీట మునగడంతో తన సొంత ఖర్చులతో జెసిబిని ఏర్పాటు చేసి ఆ నీటిని బయటకు గండ్లు కొట్టించి... ఆ వర్షపు నీరు బయటకు పోయేలా చేసి ప్రజలకు ఎటువంటి అసౌకర్యం కలగకుండా చేశారు.

 రిపోర్టర్ శ్రీనివాస్ తాడేపల్లిగూడెం