మంత్రి శ్రీధర్బాబు, ఎంపీ వేం నరేందర్రెడ్డిని కలిసిన మార్కెట్ కమిటీ చైర్మన్ ఆకుల నరసన్న
కరీంనగర్, సూర్య: కరీంనగర్ మార్కెట్ కమిటీ అభివృద్ధికి అవసరమైన చర్యలు చేపట్టేందుకు పూర్తి సహకారం అందిస్తామని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్బాబు, రాజ్యసభ సభ్యుడు వేం నరేందర్రెడ్డి హామీ ఇచ్చినట్లు మార్కెట్ కమిటీ చైర్మన్ ఆకుల నరసన్న తెలిపారు.
శుక్రవారం హైదరాబాద్లో ప్రభుత్వ విప్, పెద్దపల్లి ఎమ్మెల్యే చింతకుంట విజయరమణారావుతో కలిసి కరీంనగర్ మార్కెట్ కమిటీ చైర్మన్ ఆకుల నరసన్న మంత్రి దుద్దిళ్ల శ్రీధర్బాబు, రాజ్యసభ సభ్యుడు వేం నరేందర్రెడ్డిని మర్యాదపూర్వకంగా కలిశారు. ఈ సందర్భంగా కరీంనగర్ మార్కెట్ కమిటీ పరిధిలోని ప్రస్తుత పరిస్థితులు, రైతులు ఎదుర్కొంటున్న సమస్యలు, మార్కెట్లో అవసరమైన మౌలిక వసతులు, భవిష్యత్లో చేపట్టాల్సిన అభివృద్ధి కార్యక్రమాలపై చర్చించారు.
కరీంనగర్ మార్కెట్ కమిటీకి జిల్లాలోని వివిధ ప్రాంతాల నుంచి పెద్ద సంఖ్యలో రైతులు వ్యవసాయ ఉత్పత్తులను తీసుకువస్తుంటారని ఆకుల నరసన్న తెలిపారు. రైతులకు మరింత మెరుగైన సౌకర్యాలు కల్పించడంతో పాటు మార్కెట్లో మౌలిక వసతులను బలోపేతం చేయాల్సిన అవసరం ఉందని మంత్రి, ఎంపీ దృష్టికి తీసుకెళ్లినట్లు చెప్పారు.
మార్కెట్లో రైతులకు అవసరమైన సౌకర్యాలు, మౌలిక వసతుల అభివృద్ధి, మార్కెట్ కార్యకలాపాలను మరింత సమర్థవంతంగా నిర్వహించేందుకు తీసుకోవాల్సిన చర్యలపై కూడా చర్చించినట్లు తెలిపారు. రైతులు తమ పంటలను మార్కెట్కు తీసుకువచ్చిన సమయంలో ఎలాంటి ఇబ్బందులు లేకుండా కొనుగోలు, విక్రయ ప్రక్రియ సజావుగా జరిగేలా చర్యలు తీసుకోవాలని కోరినట్లు పేర్కొన్నారు.
ఈ సందర్భంగా మార్కెట్ కమిటీ అభివృద్ధికి అవసరమైన సహకారం అందించాలని ఆకుల నరసన్న కోరగా, మంత్రి శ్రీధర్బాబు, రాజ్యసభ సభ్యుడు వేం నరేందర్రెడ్డి సానుకూలంగా స్పందించినట్లు ఆయన తెలిపారు. మార్కెట్ అభివృద్ధికి తమవంతు సహకారం అందిస్తామని హామీ ఇచ్చినట్లు చెప్పారు.
రైతుల సంక్షేమం, మార్కెట్ అభివృద్ధికి ప్రాధాన్యం ఇస్తూ ముందుకు సాగుతామని ఆకుల నరసన్న పేర్కొన్నారు. మార్కెట్ కమిటీ అభివృద్ధి ద్వారా రైతులకు మరిన్ని మెరుగైన సౌకర్యాలు అందుబాటులోకి తీసుకురావడానికి కృషి చేస్తామని తెలిపారు.
ఈ కార్యక్రమంలో కాంగ్రెస్ నాయకుడు పడాల అజయ్తో పాటు పలువురు నాయకులు, కార్యకర్తలు తదితరులు పాల్గొన్నారు.
