పాఠశాలలో మధ్యాహ్న భోజనాన్ని తనిఖీ చేసిన అదనపు కలెక్టర్

సూర్య జగిత్యాల ప్రతినిధి: గొల్లపల్లి మండల కేంద్రంలోని జిల్లా పరిషత్ బాలికల ఉన్నత పాఠశాలను  స్థానిక సంస్థల అదనపు కలెక్టర్  బి. రాజ గౌడ్ శుక్రవారం సందర్శించి పాఠశాలలో విద్యార్థినులకు అందిస్తున్న మధ్యాహ్న భోజనాన్ని తనిఖీ చేశారు. ఈ సందర్భంగా మధ్యాహ్న భోజనంలో విద్యార్థినులకు అందిస్తున్న ఆహారం నాణ్యత, రుచిని పరిశీలించారు. విద్యార్థినులకు ప్రభుత్వం నిర్దేశించిన మెనూ ప్రకారం నాణ్యమైన, పరిశుభ్రమైన ఆహారం అందేలా చర్యలు తీసుకోవాలని పాఠశాల సిబ్బందికి సూచించారు. ఈ కార్యక్రమంలో పాఠశాల ఇన్‌చార్జి ప్రధానోపాధ్యాయులు, మండల పంచాయతీ అధికారి ప్రదీప్, పంచాయతీ కార్యదర్శి తదితరులు పాల్గొన్నారు.