విద్యకు కలెక్టర్‌ భరోసా

 

 

సూర్య ఆదిలాబాద్

 

ఆర్థిక ఇబ్బందులతో ప్రతిభావంతులైన విద్యార్థులు ఉన్నత విద్యకు దూరం కాకూడదని జిల్లా కలెక్టర్‌ రాజర్షి షా అన్నారు. సిరికొండ మండలం నారాయణపూర్‌కు చెందిన గిరిజన విద్యార్థి సీడం అర్జున్‌ ఢిల్లీలోని శ్రీ వెంకటేశ్వర కళాశాలలో బీఎస్సీ (ఆనర్స్‌) ఫిజిక్స్‌లో సీటు సాధించాడు. ఈ సందర్భంగా శుక్రవారం కలెక్టర్‌ తన ఛాంబర్‌లో అర్జున్‌కు రూ.50 వేల ఆర్థిక సహాయం చెక్కును అందజేశారు.గ్రామీణ ప్రాంతానికి చెందిన విద్యార్థి జాతీయ స్థాయి కళాశాలలో సీటు సాధించడం అభినందనీయమన్నారు. ప్రతిభావంతులైన విద్యార్థులకు జిల్లా యంత్రాంగం అండగా ఉంటుందని తెలిపారు. సహాయం అందించిన కలెక్టర్‌కు అర్జున్‌ కృతజ్ఞతలు తెలిపారు. కార్యక్రమంలో అదనపు కలెక్టర్‌ రాజేశ్వర్‌, ఏవో వర్ణ తదితరులు పాల్గొన్నారు.