ఏలూరు రూరల్ జిల్లా ఆర్యవైశ్యంగా అధ్యక్షులుగా శీమకుర్తి

నేడు ఏలూరు జిల్లా రూరల్ ఆర్యవైశ్య సంఘం నూతన అధ్యక్షులుగా శీమకుర్తి శ్రీనివాసరావు ప్రమాణ స్వీకారం

 జంగారెడ్డిగూడెం, మేజర్ న్యూస్ :- ఏలూరు జిల్లా రూరల్ ఆర్యవైశ్య సంఘానికి నూతన అధ్యక్షులుగా శీమకుర్తి శ్రీనివాసరావు ప్రధాన కార్యదర్శిగా మాటూరి  విఎస్ఎస్ జీవి ప్రసాదు కోశాధికారిగా ఒత్తిమిల్లి వీవీఎస్ ప్రసాదులు ఎన్నికయ్యారు. నూతన కార్యవర్గానికి అధ్యక్షులుగా ఎన్నికైన శ్రీనివాసరావు తో పాటు కార్యవర్గ ప్రమాణ స్వీకారం ఈనెల 26వ తేదీ శనివారం ఉదయం 11 గంటలకు జంగారెడ్డిగూడెంలోని ఆలపాటి గంగాభవాన్ని కల్యాణ మండపంలో ఘనంగా జరగనుంది. ఆంధ్రప్రదేశ్ ఆర్యవైశ్య మహాసభకు అనుబంధ సంస్థ అయిన ఏలూరు రూరల్ జిల్లాకు ప్రధమంగా జంగారెడ్డిగూడెం కు చెందిన ప్రముఖ వర్తకులు శ్రీనివాసరావు ఏకగ్రీవంగా ఎన్నిక కావడంతో ప్రమాణ స్వీకారం సందర్భంగా పలు కార్యక్రమాలను నిర్వహిస్తున్నారు. ఈ కార్యక్రమాలకు రాజ్యసభ మాజీ సభ్యులు టీజీ వెంకటేష్, రాష్ట్ర పరిశ్రమలు వాణిజ్య ఆహార శుద్ధి శాఖ మంత్రి టీజీ భరత్లను ప్రత్యేకంగా ఆహ్వానించారు. వీరితో పాటు రాష్ట్ర ఆర్యవైశ్య ప్రముఖులు పలువుడు పాల్గొనున్నారు. ఆర్యవైశ్య మహాసభ అధ్యక్షులు యీల్లూరి లక్ష్మయ్య అధ్యక్షతన జరిగే సభలో రాజ్యసభ మాజీ సభ్యులు టీజీ వెంకటేష్, ఏలూరు ఎంపీ పుట్టా మహేష్ యాదవ్, ఎమ్మెల్యేలు సొంగ రోషన్ కుమార్ (చింతలపూడి ), చెర్రీ బాలరాజు ( పోలవరం), కామినేని శ్రీనివాస్( కైకలూరు), మద్దిపాటి వెంకట్ రాజు  ( గోపాలపురం), శ్రీరామ తాతయ్య ( జగ్గయ్యపేట) లతోపాటు రాష్ట్ర ఆర్యవైశ్య మహాసభ గౌరవాధ్యక్షులు చిన్ని రామ సత్యనారాయణ, మాజీ ఎమ్మెల్యే అంబికా కృష్ణ తదితర ప్రముఖులు ప్రత్యేక ఆత్మీయ అతిథులుగా, అతిథులుగా పాల్గొనున్నారు. గత ఐదు దశాబ్దాలలో ఎంత భారీ ఎత్తున రూరల్ జిల్లా ఆర్యవైశ్య సంఘం ప్రమాణ స్వీకారం జంగారెడ్డిగూడెంలో జరగడం ఇదే ప్రథమం. ఈ సంఘాలతో పాటు వాసవి సేవాదళ్, ఆర్యవైశ్య మహిళా విభాగం నూతన కార్యవర్గాలు కూడా ఈ సభలోనే ప్రమాణ స్వీకారం చేయనున్నారు. 

 ఫోటో. శీమకుర్తి శ్రీనివాసరావు, అధ్యక్షుడు, ఏది ఎవరో రూరల్ జిల్లా ఆర్యవైశ్య సంఘం

 రిపోర్టర్ రమణారావు జంగారెడ్డిగూడెం