తుఫాన్ దెబ్బతిన్న విద్యుత్ లైన్ల పునరుద్ధరణ

తుఫాన్ దెబ్బతిన్న విద్యుత్ లైన్ల పునరుద్ధరణ 
రేపటిలోగా గృహ వినియోగదారులకు 100 శాతం విద్యుత్ సరఫరా లక్ష్యంఅంబేద్కర్ కోనసీమ జిల్లా అమలాపురం మండలం తాండవపల్లిలో జరుగుతున్న విద్యుత్ పునరుద్ధరణ పనులను ఎగ్జిక్యూటివ్ ఇంజనీర్ కె. రాంబాబు పర్యవేక్షించారు. అర్ణబ్ తుఫాన్ కారణంగా దెబ్బతిన్న విద్యుత్ లైన్ల మరమ్మతులను వేగవంతం చేసినట్లు ఆయన తెలిపారు.ఈ సందర్భంగా మీడియాతో మాట్లాడుతూ.. జిల్లాలోని గృహ విద్యుత్ వినియోగదారులకు ఈరోజు, రేపటిలోగా 100 శాతం విద్యుత్ సరఫరా అందించేలా చర్యలు తీసుకుంటున్నామని వెల్లడించారు. విద్యుత్ అంతరాయం ఏర్పడిన ప్రాంతాల్లో దెబ్బతిన్న విద్యుత్ స్తంభాలు, ఇతర పరికరాలను సిబ్బందితో సమన్వయం చేసుకుంటూ మరమ్మతు పనులను వేగవంతంగా చేపడుతున్నామన్నారు.అగ్రికల్చర్, ఆక్వాకల్చర్ విద్యుత్ సర్వీసుల పునరుద్ధరణ పనులు దాదాపు 40 శాతం పూర్తయ్యాయని తెలిపారు. మిగిలిన సర్వీసులను కూడా త్వరితగతిన పునరుద్ధరించి రైతులకు, ఆక్వా రైతులకు పూర్తిస్థాయిలో విద్యుత్ సరఫరా అందించేలా చర్యలు తీసుకుంటున్నామని ఎగ్జిక్యూటివ్ ఇంజనీర్ కె. రాంబాబు పేర్కొన్నారు.