telangana
తెలంగాణలో 50 శాతానికి మించని దరఖాస్తులు
తెలంగాణలోని రెండు పట్టభద్రుల ఎమ్మెల్సీ నియోజకవర్గాల్లో ఓటర్ల నమోదు ప్రక్రియ తీవ్ర అంతరాయాల మధ్య సాగుతోంది. కేంద్ర ఎన్నికల సంఘం (ఈసీఐ) వెబ్‌సైట్‌లో గత వారం రోజులుగా సాంకేతిక సమస్యలు తలెత్తడంతో దరఖాస్తుదారులు తీవ్ర ఇబ్బందులు పడుతున్నారు. ఆన్‌లైన్ పోర్టల్ పదేపదే మొరాయించడంతో నమోదు ప్రక్రియ వేగం తగ్గి, ఇప్పటివరకు కనీసం 50 శాతం నమోదు కూడా పూర్తి కాలేదు. గడువు సమీపిస్తున్న వేళ సర్వర్ సమస్యల కారణంగా దరఖాస్తులు సమర్పించలేకపోతున్నామని గ్రాడ్యుయేట్లు ఆవేదన వ్యక్తం చేస్తున్నారు. మరోవైపు వెబ్‌సైట్‌లో తలెత్తిన సాంకేతిక సమస్యలను వేగంగా పరిష్కరిస్తున్నామని, త్వరలోనే ఆన్‌లైన్ ప్రక్రియ పునరుద్ధరిస్తామని ఎన్నికల సంఘం అధికారులు వెల్లడించారు.
