ప్రభుత్వ పాఠశాలలో విద్యార్థులకు నేత్ర పరీక్షలు

సూర్య- బిక్కనూర్ : మండల కేంద్రంలోని స్థానిక జిల్లా పరిషత్ బాలుర ఉన్నత పాఠశాలలో శుక్రవారం నేత్ర వైద్యుడు రవీందర్ పాటిల్ పాఠశాల విద్యార్థులకు నేత్ర పరీక్షలు నిర్వహించారు. ఈ సందర్భంగా ఆయన మాట్లాడుతూ విద్యార్థులు సెల్ ఫోన్ లకు దూరంగా ఉండాలని, ప్రతి ఆరు నెలలకు ఒకసారి నేత్ర పరీక్షలు చేయించుకోవాలని, ఆకుకూరలు తీసుకోవాలని సూచించారు. ఈ సందర్భంగా పలువురు విద్యార్థులకు కంటి అద్దాలు రావడంతో వారికి కంటి అద్దాలు అందజేస్తామని చెప్పారు. ఈ కార్యక్రమంలో మండల విద్యా వనరుల అధికారి రాజా గంగారెడ్డి, ఆరోగ్య విస్తీర్ణ అధికారి వెంకటరమణ, పాఠశాల ఉపాధ్యాయులు, ఆరోగ్య సిబ్బంది విద్యార్థినీ విద్యార్థులు పాల్గొన్నారు