ఆత్మకూరు ఎంపీటీసీ బరిలో 21 మంది అభ్యర్థులు -భవితవ్యం తేలేది నేడే

ఆత్మకూరు, మేజర్ న్యూస్:   ఆత్మకూరు మండలంలో 8 ఎంపీటీసీ స్థానాల్లో 21 మంది అభ్యర్థులు పోటీలో ఉన్నారు. మండలంలో తొమ్మిది ఎంపీటీసీ స్థానాలు ఉండగా చెర్లో ఏడవల్లి ఎంపిటిసి స్థానం నుండి తెలుగుదేశం అభ్యర్థి కేతా వేణుగోపాల్ రెడ్డి ఏకగ్రీవంగా ఎన్నికయ్యారు. మిగతా ఎనిమిది ఎంపీటీసీ స్థానాల్లో 21 మంది అభ్యర్థులు పోటీల్లో ఉండగా గురువారం పోలింగ్ నిర్వహించారు. శనివారం ఆత్మకూరు పట్టణంలోని ప్రభుత్వ ఉన్నత పాఠశాల ఆవరణలో ఓట్ల లెక్కింపు, ఫలితాలు వెల్లడి కానున్నాయి. మండలంలోని వాసిలి ఎంపిటిసి స్థానం నుండి తెలుగుదేశం అభ్యర్థిగా మామిడి చందన, వైసీపీ అభ్యర్థిగా సంకె ఆదిలక్ష్మి పోటీలో ఉన్నారు. పడకండ్ల ఎంపీటీసీ స్థానం నుండి తెలుగుదేశం అభ్యర్థిగా కొల్లి నరసయ్య నాయుడు, వైసీపీ అభ్యర్థిగా కొల్లి దొరస్వామినాయుడు, ఇండిపెండెంట్ అభ్యర్థిగా దొడ్ల శ్రీనివాసులు నాయుడు పోటీలో ఉన్నారు. నువ్వురుపాడు ఎంపీటీసీ స్థానం నుండి తెలుగుదేశం అభ్యర్థిగా షేక్ ఖాజావలి, వైసీపీ అభ్యర్థిగా షేక్ ఖాదర్ బాషా పోటీలో ఉన్నారు. మహిమలూరు ఎంపీటీసీ స్థానం నుండి తెలుగుదేశం అభ్యర్థిగా సోమా ప్రశాంత లక్ష్మి, వైసీపీ అభ్యర్థిగా శ్యామనబోయిన సుజాత పోటీలో ఉన్నారు. మురుగుళ్ల ఎంపిటిసి స్థానం నుండి తెలుగుదేశం అభ్యర్థిగా పువ్వాడి వెంకటేశ్వర్లు, వైసీపీ అభ్యర్థిగా కోనేపల్లి సుబ్బారెడ్డి, ఇండిపెండెంట్ లుగా దొడ్ల మల్లికార్జున, పచ్చ వెంగయ్య,పచ్చ శరత్ కుమార్లు పోటీల్లో ఉన్నారు. బట్టేపాడు ఎంపీటీసీ స్థానం నుండి తెలుగుదేశం అభ్యర్థిగా వీరదిమ్మ గీతమ్మ, వైసీపీ అభ్యర్థిగా కట్ట లక్ష్మీదేవి పోటీలో ఉన్నారు. అప్పారావు పాలెం ఎంపీటీసీ స్థానం నుండి తెలుగుదేశం అభ్యర్థిగా బొమ్మ తాటి ఇందిరమ్మ, వైసీపీ అభ్యర్థిగా గంటా సునీత పోటీలో ఉన్నారు. కరటంపాడు ఎంపిటిసి స్థానం నుండి తెలుగుదేశం అభ్యర్థిగా ధావా సుమన్య, వైసిపి అభ్యర్థిగా గుడిపాడు జహీరా, ఇండిపెండెంట్ అభ్యర్థిగా కుంట శ్రీలత పోటీలో ఉన్నారు. శనివారం ఓట్ల లెక్కింపు జరిగిన అనంతరం అభ్యర్థుల  భవితవ్యం తేలనుంది.