గ్రామాలలో అభివృద్ధి పనులను వేగవంతం చేయాలి - మండల ప్రత్యేక అధికారి

సూర్య- బిక్కనూర్ : గ్రామాలలో అభివృద్ధి పనులను వేగవంతం చేయాలని, మండల ప్రత్యేక అధికారి, డి ఎల్ పి ఓ శ్రీనివాస్ చెప్పారు. శుక్రవారం మండల కేంద్రంలోని స్థానిక ఎంపీడీవో కార్యాలయంలో నిర్వహించిన మండల స్థాయి సమావేశంలో ఆయన మాట్లాడుతూ ప్రస్తుతం వర్షాబావ పరిస్థితుల నేపథ్యంలో గ్రామాలలో ఉపాధి హామీ పనులను వేగవంతం చేయాలని, అర్హులైన ప్రతి ఒక్కరికి ఉపాధి హామీ కల్పించాలని సూచించారు. గ్రామాలలో నీటి సంరక్షణ చర్యలను చేపట్టాలని ఇందులో భాగంగా ఇంకుడు గుంతలను ప్రోత్సహించాలని వివరించారు. అంతకుముందు వివిధ శాఖల అధికారులు తాము చేపట్టిన అభివృద్ధి పనులను వివరించారు. ఈ కార్యక్రమంలో ఎంపీడీవో సవిత రెడ్డి, ఎంపీఓ రాజ్ కిరణ్ రెడ్డి, అన్ని శాఖల అధికారులు, సర్పంచులు, సొసైటీ చైర్మన్లు, ప్రజా ప్రతినిధులు పాల్గొన్నారు