గ్రామంలో ఘనంగా దండారి సంబరాలు

సూర్య జైనూర్ : మండలంలోని జామ్నీ గ్రామంలో ఆదివాసీల సంప్రదాయ పండుగ దండారి వేడుకలు అంబరాన్నంటాయి. ఈ వేడుకలకు ముఖ్య అతిథిగా ఆసిఫాబాద్ ఎమ్మెల్యే కోవ లక్ష్మి హాజరై గ్రామస్తులతో కలిసి దండారి నృత్యంలో పాల్గొన్నారు.గోండు ఆదివాసీ సంస్కృతి, సంప్రదాయాలకు ప్రతీకగా నిలిచే దండారి నృత్యాలను యువకులు, మహిళలు ఉత్సాహంగా ప్రదర్శించారు. సంప్రదాయ వేషధారణలు, డప్పుల మోతలు, నృత్యాలతో గ్రామంలో పండుగ వాతావరణం నెలకొంది. కళాకారుల ప్రదర్శనలు ప్రతి ఒక్కరినీ ఆకట్టుకున్నాయి.ఈ సందర్భంగా గ్రామస్తులు ఎమ్మెల్యే కోవ లక్ష్మికి ఘన స్వాగతం పలికి శాలువాతో సత్కరించారు. ఆదివాసీల సంస్కృతి, సంప్రదాయాలను కాపాడుకోవడంలో ఇటువంటి వేడుకలు కీలకమని పలువురు పేర్కొన్నారు.ఈ కార్యక్రమంలో మండల నాయకులు, గ్రామ పెద్దలు, ఆదివాసీ సంఘాల నాయకులు, మహిళలు, యువకులు, గ్రామస్తులు పెద్ద సంఖ్యలో పాల్గొన్నారు.