ఎండ్రియాల్ ప్రభుత్వ పాఠశాలలో విద్యార్థుల తల్లిదండ్రులకు అవగాహన సదస్సు

సూర్య తాడ్వాయి :తాడ్వాయి మండలం ఎండ్రియాల్ గ్రామంలోని జిల్లా పరిషత్ ఉన్నత పాఠశాల (ZPHS) లో  విద్యార్థుల తల్లిదండ్రులు, ఉపాధ్యాయుల ప్రత్యేక సమావేశం (PTM) అత్యంత ఉత్సాహభరిత వాతావరణంలో జరిగింది. ఈ సమావేశంలో భాగంగా విద్యార్థుల మానసిక వికాసం, విద్యా ప్రమాణాల పెంపుదల, మరియు వారి ఉజ్వల భవిష్యత్తును దృష్టిలో ఉంచుకుని తల్లిదండ్రులు, ఉపాధ్యాయులను ఉద్దేశించి ఒక ప్రత్యేక మోటివేషన్ క్లాస్ (ప్రేరణాత్మక తరగతి) నిర్వహించారు.ఈ మోటివేషన్ క్లాస్ తల్లిదండ్రుల్లో, ఉపాధ్యాయుల్లో ఒక కొత్త ఉత్సాహాన్ని, బాధ్యతాయుతమైన ఆలోచనను నింపింది. తమ పిల్లల భవిష్యత్తు కోసం ఇలాంటి కార్యక్రమాలు ఎంతగానో ఉపయోగపడతాయని తల్లిదండ్రులు హర్షం వ్యక్తం చేశారు. ఈ కార్యక్రమాన్ని విజయవంతం చేసినందుకు పాఠశాల సిబ్బంది ప్రతి ఒక్కరికీ కృతజ్ఞతలు తెలిపారు.ఈ కార్యక్రమంలో గ్రామ సర్పంచ్ నర్సింహులు మండల కాంగ్రెస్ అధ్యక్షుడు బండారి సంజీవులు తాడ్వాయి PACS చైర్మన్ శ్రీ సుధాకర్ గారు, DEMI PACS చైర్మన్ శ్రీ. వెంకటరెడ్డి గారు, వార్డు మెంబర్లు , తల్లిదండ్రులు, ఉపాధ్యాయులు పాల్గొన్నారు.