సీనియర్ మైనారిటీ నాయకులు బీడీ మస్తాన్ సహా పలువురు టీడీపీలో చేరిక

పలమనేరు మేజర్ న్యూస్ పలమనేరు మున్సిపాలిటీలోని జెండా మఠం ప్రాంతానికి చెందిన సీనియర్ కాంగ్రెస్ మైనారిటీ నాయకులు మరియు వారి అనుచరులు బీడీ మస్తాన్ ఎమ్మెల్యే అమరనాథ రెడ్డి సమక్షంలో గురువారం తెలుగుదేశం పార్టీలో చేరారు. మున్సిపల్ ఎన్నికల ప్రచారంలో భాగంగా పలు వార్డులలో ఎమ్మెల్యే పర్యటించారు. ఈ సందర్బంగా జెండామఠం ప్రాంతానికి చెందిన మైనారిటీ సోదరులు బీడీ మస్తాన్ తో పాటు పలువురు వైకాపా యువత టీడీపీ తీర్ధం పుచ్చుకున్నారు. పార్టీలో చేరిన వారిలో జమీర్, అజగర్, అల్తాఫ్, దావుద్, తబరేజ్, అల్లాబక్ష్, చాంద్ బాషా, ముబారక్, షఫీ, జోహార్ మరియు రవి తదితరులు ఉన్నారు. అదేవిదంగా 14 వ వార్డులోని మసీద్ వీధికి చెందిన మైనారిటీ సోదరులు ఎమ్మెల్యే సమక్షంలో పార్టీలో చేరారు. ఈ కార్యక్రమాల్లో భాగంగా ఎమ్మెల్యే మాట్లాడుతూ... మున్సిపాలిటీ పరిధిలో మౌలిక సదుపాయల కల్పన బాధ్యత తనదని హామీ ఇచ్చారు. ఇప్పటికే సుమారు రూ.130 కోట్ల పనులు మున్సిపాలిటీలో జరుగుతున్నాయని వివరించారు. మున్సిపాలిటీ అభివృద్ధి కొరకు కూటమి అభ్యర్థులను గెలిపించాలని కోరారు. ఈ కార్యక్రమాల్లో పోటీ చేస్తున్న అభ్యర్థులతో పాటు కూటమి నాయకులు, కార్యకర్తలు పాల్గొన్నారు.

 రిపోర్టర్ అనిల్ కుమార్ యాదవ్