వరద బాధితులకు ఆపన్నహస్తం

కాపు గోపాలపురంలో సైలాడ సతీష్ అల్పాహార పంపిణీ

కష్టంలో కన్నీరు తుడవడమే నిజమైన ప్రజాసేవ..

వరద గుండెల్లో భరోసా నింపిన సైలాడ సతీష్

పాతపట్నం అక్టోబర్ 30:మేజర్ న్యూస్:

తీవ్రమైన అర్నబ్ తుఫాన్ బీభత్సంతో అతలాకుతలమై జలదిగ్బంధంలో చిక్కుకున్న కాపు గోపాలపురం గ్రామ బాధితులను పాతపట్నం ఎమ్మెల్యే మామిడి గోవిందరావు ఆదేశాల మేరకు టీడీపీ సర్పంచ్ అభ్యర్థి సైలాడ సతీష్ శుక్రవారం తెల్లవారుజామునే పరామర్శించి పౌష్టికరమైన అల్పాహారం, తాగునీటి ప్యాకెట్లను పంపిణీ చేశారు. మోకాళ్ళలోతు వరద నీటిని సైతం లెక్కచేయకుండా ప్రతి ఇంటి గడపకూ చేరి స్వయంగా ఆహారాన్ని అందజేసి బాధితులకు కొండంత అండగా నిలిచారు. ఆపత్కాలంలో కడుపు నింపి ప్రాణభయం పోగొట్టిన నాయకులకు బాధితులు కన్నీటితో కృతజ్ఞతలు తెలుపగా, సాధారణ పరిస్థితులు నెలకొనేంతవరకు సహాయక చర్యలు నిరంతరం కొనసాగుతాయని నాయకులు భరోసా ఇచ్చారు. ఈ సేవా కార్యక్రమంలో స్థానిక టీడీపీ నాయకులు, కార్యకర్తలు, గ్రామ పెద్దలు అధిక సంఖ్యలో పాల్గొన్నారు.