ప్రచారంలో దూసుకుపోతున్న కూటమి అభ్యర్థులు

డోన్ ( సూర్ ప్రతినిధి  మేజర్ న్యూస్):డోన్ మున్సిపాలిటీ ఎన్నికల ప్రచారంలో కూటమి అభ్యర్థులు జోరు పెంచారు. గురువారం పట్టణంలోని 29వ, 33వ వార్డుల్లో ప్రచారం ముమ్మరంగా సాగింది.  ఈ ప్రచారంలో భాగంగా మాజీ ఎమ్మెల్యే, కూటమి మున్సిపల్ చైర్‌పర్సన్ అభ్యర్థి కోట్ల సుజాతమ్మ పాల్గొని 29వ వార్డు టీడీపీ కౌన్సిలర్ అభ్యర్థి హరీష్ గౌడ్, 33వ వార్డు జనసేన పార్టీ కూటమి కౌన్సిలర్ అభ్యర్థి రేష్మలతో కలిసి ఇంటింటి ప్రచారం నిర్వహించారు.  

ఆప్యాయ పలకరింపులు - ప్రజా సమస్యలపై చర్చ

ప్రచారంలో భాగంగా ఆమె వార్డు ప్రజలను ఆప్యాయంగా పలకరిస్తూ వారి సమస్యలను అడిగి తెలుసుకున్నారు. గతంలో తాను ఎమ్మెల్యేగా పనిచేసిన కాలంలో డోన్ నియోజకవర్గ అభివృద్ధికి చేసిన కృషిని, చేపట్టిన సంక్షేమ, అభివృద్ధి కార్యక్రమాలను ప్రజలకు వివరించారు. ప్రజల అవసరాలకు మొదటి ప్రాధాన్యత ఇస్తూ, డోన్ పట్టణాన్ని అన్ని రంగాల్లో మరింత ముందుకు తీసుకెళ్లడమే తన ప్రధాన లక్ష్యమని ఈ సందర్భంగా సుజాతమ్మ పేర్కొన్నారు.  

కూటమి అభ్యర్థులను గెలిపించాలని పిలుపు

29వ వార్డు టీడీపీ కౌన్సిలర్ అభ్యర్థి హరీష్ గౌడ్‌ను సైకిల్ గుర్తుపై ఓటు వేసి గెలిపించాలని ఓటర్లను కోరారు.33వ వార్డు జనసేన కూటమి కౌన్సిలర్ అభ్యర్థి రేష్మను గాజు గ్లాసు గుర్తుపై ఓటు వేసి అఖండ మెజారిటీతో విజయం చేకూర్చాలని అభ్యర్థించారు.ఈ కార్యక్రమంలో తెలుగుదేశం, జనసేన, భారతీయ జనతా పార్టీ (బీజేపీ) నాయకులు, కార్యకర్తలు మరియు పెద్ద సంఖ్యలో అభిమానులు పాల్గొన్నారు.

సూర్య ప్రతినిధి వెంకటేష్ నంద్యాల జిల్లా డోన్ నియోజకవర్గం