నాగరాజు రాజకీయ ప్రస్థానంలో మరో మైలురాయి.. వైస్ ఎంపీపీగా ఎన్నికవడంపై హర్షం వ్యక్తం చేసిన శాసనకోట మహేష్!
కూటమి ప్రభుత్వం, తెలుగుదేశం పార్టీ తరఫున శీగుపల్లి పంచాయితీ ఎంపీటీసీగా విజయం సాధించి పరిగి మండల వైస్ ఎంపీపీగా ఏకగ్రీవంగా ఎన్నిక కావడం ఎంతో సంతోషంగా ఉందని విట్టపల్లి నాగరాజు తెలిపారు. తనకు ఈ అవకాశం కల్పించిన మంత్రి సవితమ్మకు, పార్టీ నాయకులకు, ఎంపీటీసీ సభ్యులకు, తనను ఆదరించిన ప్రజలకు ప్రత్యేక కృతజ్ఞతలు తెలియజేశారు.ఈ సందర్భంగా తనను అభినందించిన టీడీపీ యువ నాయకుడు శాసనకోట మహేష్కు ధన్యవాదాలు తెలిపారు. మహేష్ లాంటి యువత రాజకీయాల్లోకి రావాలని, ప్రజలకు నిత్యం అందుబాటులో ఉంటూ వారి సమస్యల పరిష్కారానికి కృషి చేయాలని నాగరాజు ఆకాంక్షించారు. యువత రాజకీయాల్లోకి వచ్చి గ్రామస్థాయి నుంచి ఎదిగి ప్రజాసేవలో భాగస్వాములు కావాలని పిలుపునిచ్చారు.మహేష్ భవిష్యత్తులో సర్పంచ్గా పోటీ చేసి విజయం సాధించాలని, ప్రజల ఆశీర్వాదంతో మరింత ఉన్నత స్థాయికి ఎదగాలని మనస్ఫూర్తిగా కోరుకుంటున్నట్లు తెలిపారు. పదవులు హోదా కోసం కాకుండా ప్రజలకు సేవ చేసేందుకు ఉపయోగపడాలని, వైస్ ఎంపీపీగా మండల అభివృద్ధికి తనవంతు కృషి చేస్తానని నాగరాజు పేర్కొన్నారు.
పరిగి సూర్య రిపోర్టర్ నవీన్….