BREAKING
బాలీవుడ్ నటుడు సైఫ్ అలీ ఖాన్‌కు హత్య బెదిరింపులు ఐపీఎల్ 2027 మినీ వేలంలో ఈ ఆటగాళ్లపై కాసుల వర్షం.. ఫ్రాంచైజీల మధ్య తీవ్ర పోటీ! ఎంపీటీసీల విజయం ప్రజల నమ్మకానికి నిదర్శనం: పార్టీలకతీతంగా ధర్మవరం మండల అభివృద్ధికి కృషి చేస్తాం — నియోజకవర్గ క్లస్టర్ ఇంచార్జ్ మహేష్ చౌదరి తైవాన్ విషయంలో అమెరికా సరైన నిర్ణయం తీసుకోవాలి తొలి టెస్టులో బంగ్లాదేశ్‌పై దక్షిణాఫ్రికా ఘన విజయం.. అకెర్‌మన్ సెంచరీ, హార్మర్ ఆరు వికెట్లు! అమెరికా ఐపీఓ మార్కెట్‌లో రికార్డు నిధులు బైక్ ప్రమాదంలో కామన్వెల్త్ స్వర్ణ విజేతకు తీవ్ర గాయాలు.. చేయి కోల్పోయిన వెయిట్‌లిఫ్టర్! ఎల్‌నినో ప్రభావంతో యాసంగిలో వరి సాగుకు దూరంగా ఉండాలి జడ్పీ చైర్మన్, వైస్ చైర్మన్ ఎన్నికల నేపథ్యంలో పటిష్ట పోలీస్ బందోబస్తు. - డీఎస్పీ నరసింహారావు పడిక్కల్, పంత్ గందరగోళం.. చేతికందిన వికెట్ జారవిడవడంతో కెప్టెన్ గిల్ ఆగ్రహం! సీఎం సభకు రాయలపూర్ కాంగ్రెస్ శ్రేణుల భారీ తరలింపు అమెరికా సెక్యూరిటీస్ నియంత్రణ సంస్థ ఎస్ఈసీ నామినీలకు సెనేట్ పరీక్ష మండల స్థాయి చిత్రలేఖన పోటీలో జాహ్నవి రెడ్డికి ప్రథమ స్థానం అమెజాన్‌లో విజ్ఞాన్స్‌ లారా విద్యార్థినికి ఇంటర్న్‌షిప్‌లో నెలకు రూ.1.30 లక్షల వేతనం తొలి టెస్ట్‌లో సిరాజ్‌కు చోటు దక్కకపోవడంపై సునీల్ గవాస్కర్ ఆగ్రహం.. ఏమన్నారంటే!

జడ్పీ చైర్మన్, వైస్ చైర్మన్ ఎన్నికల నేపథ్యంలో పటిష్ట పోలీస్ బందోబస్తు. - డీఎస్పీ నరసింహారావు

Select Suryaa Now
జడ్పీ చైర్మన్, వైస్ చైర్మన్ ఎన్నికల నేపథ్యంలో పటిష్ట పోలీస్ బందోబస్తు.  - డీఎస్పీ నరసింహారావు

 

అనకాపల్లి, నవంబర్ 19, మేజర్ న్యూస్: పట్టణంలో జరగనున్న జిల్లా పరిషత్ (జడ్పీ) చైర్మన్, వైస్ చైర్మన్ ఎన్నికల ప్రక్రియ అత్యంత సామరస్యంగా, శాంతియుత వాతావరణంలో జరిగేలా పోలీస్ శాఖ తరఫున అన్ని ముందస్తు చర్యలు తీసుకున్నట్లు అనకాపల్లి సబ్ డివిజన్ డీఎస్పీ పి.వి.వి. నరసింహారావు ఒక ప్రకటనలో తెలిపారు. ఎన్నికల నేపథ్యంలో పట్టణంలో ఎన్నికల ప్రవర్తనా నియమావళి (ఎలక్షన్ కోడ్) తో పాటు 30 పోలీస్ యాక్ట్, 144 సి ర్ పిసి సెక్షన్ అమల్లో ఉన్నాయని ఆయన స్పష్టం చేశారు. శాంతిభద్రతల పరిరక్షణ, ట్రాఫిక్ క్రమబద్ధీకరణలో భాగంగా ప్రజలు, ప్రజాప్రతినిధులు, పాత్రికేయులు ఈ క్రింది నిబంధనలను తప్పనిసరిగా పాటించాలని డీఎస్పీ విజ్ఞప్తి చేశారు. జడ్పీ కార్యాలయం, దాని పరిసర ప్రాంతాల్లో 144 సెక్షన్ విధించడం జరిగింది. 144 సెక్షన్ అమల్లో ఉన్నందున, జడ్పీ కార్యాలయ పరిసర ప్రాంతాల్లో ప్రజలు ఎవరూ గుమిగూడి ఉండరాదు. జడ్పీ చైర్మన్, వైస్ చైర్మన్‌లను ఎన్నుకునే ఓటు హక్కు కలిగిన సభ్యులను (జడ్పీటీసీలను) మాత్రమే జడ్పీ కార్యాలయం లోపలికి అనుమతించడం జరుగుతుంది. ఇతరులకు లోపలికి ప్రవేశం లేదు. ఎన్నికలకు హాజరయ్యే జడ్పీటీసీ సభ్యుల వాహనాల పార్కింగ్ కోసం ఎన్టీఆర్ గ్రౌండ్‌లో ప్రత్యేక ఏర్పాట్లు చేయడం జరిగింది. సమాచార పౌర సంబంధాల శాఖ (ఐ అండ్ పీఆర్) అధికారులు, పాత్రికేయుల (మీడియా) వాహనాల పార్కింగ్ కోసం జీవీఎంసీ కార్యాలయ ఆవరణలో ఏర్పాట్లు చేయడం జరిగింది. ట్రాఫిక్‌కు ఎటువంటి అంతరాయం కలగకుండా, శాంతిభద్రతలకు విఘాతం కలగకుండా ఉండేందుకు పట్టణ ప్రజలు, వివిధ రాజకీయ పార్టీల నాయకులు, కార్యకర్తలు పోలీస్ శాఖకు పూర్తి స్థాయిలో సహకరించాలని డీఎస్పీ శ్రీ పి.వి.వి. నరసింహారావు కోరారు. నిబంధనలు ఉల్లంఘించిన వారిపై చట్టపరమైన చర్యలు తీసుకోబడతాయని హెచ్చరించారు.

రిపోర్టర్ : నాగు యన్నంశెట్టి, అనకాపల్లి.