నంద్యాల జిల్లా కొత్తపల్లి మండలం నూతన ఎంపీపీగా ప్రమాణ స్వీకారం చేస్తున్న పెరుగు నాగలక్ష్మి రెడ్డి
ప్రజల ఆశీస్సులతో గెలిచా... అండగా ఉంటా- ఎంపీపీ పి ఎన్ రెడ్డి
- ఎంపీపీగా ప్రమాణ స్వీకారం చేసిన పెరుగు నాగలక్ష్మి రెడ్డి
ఆత్మకూరు, మేజర్ న్యూస్: ఎంపీటీసీ ఎన్నికల్లో ప్రజల ఆశీస్సులతో గెలిచానని నమ్మకంతో ఆదరించిన ప్రజలకు అండగా ఉండి సేవకుడిలా పని చేస్తానని నూతన ఎంపీపీ పెరుగు నాగలక్ష్మి రెడ్డి అన్నారు. గురువారం నంద్యాల జిల్లా కొత్తపల్లి మండలం పాత మాడుగుల గ్రామానికి చెందిన వైసిపి యువ నాయకులు నూతన ఎంపీపీ పెరుగు నాగలక్ష్మి రెడ్డి ఎంపీడీవో కార్యాలయంలో ప్రమాణ స్వీకారం చేశారు. ఈ సందర్భంగా ఆయన మాట్లాడుతూ నమ్మకంతో ప్రజలు ఆశీర్వదించాలని వారి నమ్మకాన్ని వమ్ము చేయకుండా అన్నివేళలా ప్రజలకు అందుబాటులో ఉంటూ అభివృద్ధికి కట్టుబడి పని చేస్తానని అన్నారు. ఎంపీటీసీ సభ్యుల అందరి సమన్వయంతో ప్రజలతో మమేకమై గ్రామాల రూపురేఖలు మారుస్తామన్నారు. ప్రతి గ్రామంలో మౌలిక వసతులు కల్పిస్తూ ప్రజా సమస్యలపై ఎప్పటికప్పుడు స్పందించి ప్రజలకు నాయకుడిగా కాకుండా సేవకుడిగా సేవలందిస్తానని ప్రజల కోసం సైనికుల పనిచేసి కొత్తపల్లి మండలం ఎంపీపీగా ప్రజల్లో చెరగని ముద్ర వేసుకుంటానని ధీమా వ్యక్తం చేశారు. ఎంపీపీగా ప్రమాణస్వీకారం చేసిన పెరుగు నాగలక్ష్మి రెడ్డికి వైసీపీ శ్రేణులు, అభిమానులు, ఆయా గ్రామాల ప్రజలు శుభాకాంక్షలు తెలిపారు.