మూడో రోజు కూడా కేజీబీవీలో ఫుడ్ పాయిజన్ కలకలం! పెరుగుతున్న కేసులు, విద్యార్థినుల్లో ఆందోళన!
గుమ్మగట్ట మేజర్ న్యూస్ :
గుమ్మగట్ట మండలం కేజీబీవీ ప్రభుత్వ పాఠశాలలో గత రెండు రోజులుగా కలకలం రేపుతున్న ఫుడ్ పాయిజన్ కేసులు మూడో రోజుకు చేరుకున్నా తగ్గకపోవడంతో విద్యార్థినుల్లో ఆందోళన నెలకొంది,మూడు రోజులైనా కొంతమంది విద్యార్థినులు ఆసుపత్రిలో, మరికొంతమంది స్కూల్లోనే డాక్టర్ల పర్యవేక్షణలో చికిత్స పొందుతున్నారు. ఫుడ్ పాయిజన్ ఎలా వచ్చిందో ఇప్పటికీ స్పష్టత రాలేదని తల్లిదండ్రులు, విద్యార్థినులు ఆందోళన వ్యక్తం చేస్తున్నారు,వంట సామాగ్రి, నీరు తదితర మెటీరియల్స్ ను ల్యాబ్ కు పంపించినట్లు సమాచారం. అయితే ఇప్పటివరకు సంబంధిత రిపోర్ట్ విషయంలో అధికారులు ఎలాంటి విషయాలు ప్రస్తావించలేదు,ప్రస్తుతం కేజీబీవీలో డాక్టర్లు రమేష్, రాజేష్, సందేశ్ పర్యవేక్షణలో విద్యార్థినులకు చికిత్స అందిస్తున్నారు,ల్యాబ్ రిపోర్ట్ త్వరగా వచ్చి, అసలు కారణం బయటపడాలని, ఇలాంటి ఘటనలు పునరావృతం కాకుండా చర్యలు తీసుకోవాలని తల్లిదండ్రులు డిమాండ్ చేస్తున్నారు.
సూర్య ప్రతినిధి: పెన్నయ్య గుమ్మగట్ట మండల రిపోర్టర్