పారిశుధ్య సమస్య పరిష్కరించాలని కమిషనర్ కు బీజేపీ నాయకుల వినతి
సూర్య జగిత్యాల ప్రతినిధి:జగిత్యాల పట్టణంలోని 2వ వార్డులో గత కొంతకాలంగా మున్సిపల్ చెత్త సేకరణ వాహనాలు క్రమం తప్పకుండా రావడం లేదు. దీంతో వార్డు ప్రజలు తమ ఇళ్లలో పేరుకుపోతున్న చెత్తను ఎక్కడ వేయాలో తెలియక తీవ్ర ఇబ్బందులు ఎదుర్కొంటున్నారు.ఈ సమస్యను వెంటనే పరిష్కరించాలని కోరుతూ బిజెపి నాయకులు మున్సిపల్ కమిషనర్ సత్య ప్రణవ్ ని కలిసి వినతిపత్రం అందజేశారు. 2వ వార్డులో ప్రతిరోజూ చెత్త సేకరణ వాహనాలు క్రమం తప్పకుండా వచ్చేలా చర్యలు తీసుకోవాలని, వార్డులో పేరుకుపోయిన చెత్తను వెంటనే తొలగించి పారిశుధ్య సమస్యను పరిష్కరించాలని కోరారు.ఈ కార్యక్రమంలో బిజెపి జగిత్యాల పట్టణ అధ్యక్షులు కాశెట్టి తిరుపతి, ప్రధాన కార్యదర్శి ఆముద రాజు, స్థానిక బూత్ అధ్యక్షులు నారాయణ, పవన్ సింగ్ రెండో వార్డు ప్రజలు తదితరులు పాల్గొన్నారు.