మెకానిక్ కుటుంబాలకు టపాసులు పంపిణీ

ఎడ్యుకేషన్ స్టాఫ్ రిపోర్టర్ : దీపాలు పండుగ రోజున ప్రతి మెకానిక్ కార్మికుల కుటుంబాలలో సంతోషపు వెలుగులతో పండుగ జరుపుకోవాలని ఆకాంక్షిస్తూ శ్రీబాలాజి టూ వీలర్ మెకానిక్ వెల్ఫేర్ అసోసియేషన్ ఆధ్వర్యంలో కార్మికులకు టపాసులు పంపిణీ చేశారు. యూత్ హాస్టల్లో బుధవారం జరిగిన కార్యక్రమానికి ఆ అసోసియేషన్ గౌరవ అధ్యక్షులు తాళ్లపాక ముని దేవరాజులు ముఖ్యఅతిథిగా హాజరై 120 మంది మెకానిక్ కార్మికులకు టపాసులు పంపిణీ చేశారు. ఈ సందర్భంగా ఆయన మాట్లాడుతూ ప్రతి కార్మికుడు సంతోషంగా పండగ జరుపుకోవాలని ఆకాంక్షిస్తూ దీపావళి శుభాకాంక్షలు తెలియజేశారు. పండుగ పర్వదినాలతో పాటు ప్రతి కార్మికుడికి అండగా నిలిచి వారి సంక్షేమానికి అసోసియేషన్ నిరంతర కృషి చేస్తుందని, అసోసియేషన్ కు ప్రతి ఒక్కరు సహకరించాలని ఆయన కోరారు. ఈ కార్యక్రమంలో శ్రీబాలాజి టూ వీలర్ మెకానిక్ వెల్ఫేర్ అసోసియేషన్ ప్రెసిడెంట్ పి.మోహన్, వైస్ ప్రెసిడెంట్ కె చంద్రశేఖర్, సెక్రటరీ వీఎస్ హరిప్రసాద్, ట్రెజరర్ ఎస్ షఫీ, జాయింట్ సెక్రటరీ వి.ఆనంద్, కమిటీ సభ్యులు మునిరెడ్డి, జాకీర్, నాగరాజు, మధుకుమార్ అసోసియేషన్ సభ్యులు పాల్గొన్నారు. 

సీఎం గౌడ్ తిరుపతి స్టాప్ రిపోర్టర్