వెల్దుర్తిలో ఎంపీటీసీ, జెడ్పీటీసీ ఎన్నికలు: భారీ పోలీస్ బందోబస్తు

వెల్దుర్తి, మేజర్ న్యూస్ : వెల్దుర్తి మండలంలో గురువారం జరగనున్న ఎంపీటీసీ, జెడ్పీటీసీ ఎన్నికల సందర్భంగా అన్ని పోలింగ్ స్టేషన్లలో పటిష్ట పోలీస్ బందోబస్తు ఏర్పాటు చేసినట్లు అధికారులు తెలిపారు. ప్రజలు తమ అమూల్యమైన ఓటు హక్కును ప్రశాంత వాతావరణంలో వినియోగించుకోవాలని కోరారు.పోలింగ్ ప్రక్రియ సజావుగా సాగేందుకు ఓటర్లు పోలీసులకు, పోలింగ్ సిబ్బందికి సహకరించాలని విజ్ఞప్తి చేశారు. ఓటింగ్ సమయంలో ఎలాంటి ఇబ్బందులు ఎదురైనా వెంటనే సంబంధిత పోలింగ్ స్టేషన్ పరిధిలోని పోలీసులకు గానీ, రూట్ మొబైల్ విధుల్లో ఉన్న పోలీసు సిబ్బందికి గానీ సమాచారం అందించాలని సూచించారు.ఎన్నికల బందోబస్తు నిమిత్తం మండల వ్యాప్తంగా ఒక సీఐ, ఇద్దరు ఎస్సైలతో పాటు 60 మంది పోలీస్ సిబ్బందిని రంగంలోకి దించినట్లు అధికారులు వెల్లడించారు.