ఆసిఫ్ అమ్మ ట్రాన్స్‌జెండర్ అసోసియేషన్ ఆధ్వర్యంలో ఆసియా విజేత షేక్ షాహిదాకు ఘన సన్మానం

​​అనంతపురం ప్రతినిధి మేజర్ న్యూస్ :- ఆసియా టెన్నిస్ బాల్ క్రికెట్ ఛాంపియన్‌షిప్‌లో పసిడి పతకం సాధించి దేశానికి, రాష్ట్రానికి కీర్తిప్రతిష్టలు తెచ్చిన షేక్ షాహిదాను బుధవారం  ఆసిఫ్ అమ్మ ట్రాన్స్‌జెండర్ అసోసియేషన్ ప్రతినిధులు ఆసిఫ్ అమ్మ, చిట్టమ్మల ఆధ్వర్యంలో అసోసియేషన్ సభ్యులు ఘనంగా సన్మానించారు.
​ఈ సందర్భంగా వారు మాట్లాడుతూ.. షాహిదా ఆసియా టోర్నమెంట్‌కు వెళ్లేందుకు తమ అసోసియేషన్ తరఫున ఆర్థిక సహాయం అందించామని, ఆమె విజయం సాధించడం తమకు ఎంతో గర్వకారణంగా ఉందన్నారు. భవిష్యత్తులో షాహిదా మరిన్ని అంతర్జాతీయ టోర్నమెంట్లలో పాల్గొని దేశానికి పేరు తేలాలని ఆకాంక్షించారు. రాబోయే రోజుల్లో షాహిదా ఏ టోర్నమెంట్‌కు వెళ్లినా తమ అసోసియేషన్ తరఫున అన్ని వేళలా అండగా ఉంటూ పూర్తి సహాయ సహకారాలు అందించడానికి సిద్ధంగా ఉన్నామని తెలిపారు.