ప్రజా సమస్యలపై గళం విన్పిస్తా - కౌన్సిలర్ స్వప్న

ఆత్మకూరు, మేజర్ న్యూస్ :  ఆత్మకూరు మున్సిపాలిటి  9వ వార్డు కౌన్సిలర్‌గా నాగులపాటి స్వప్న 203 ఓట్ల భారీ మెజారిటీతో విజయం సాధించారు. ఈ సందర్భంగా బుధవారం ఆత్మకూరులోని మేకపాటి కార్యాలయంలో నిర్వహించిన కార్యక్రమంలో మాజీ ఎమ్మెల్యే మేకపాటి విక్రమ్ రెడ్డి, మాజీ జిల్లా పరిషత్ చైర్మన్ బొమ్మిరెడ్డి రాఘవేంద్రరెడ్డి, నియోజకవర్గ పరిశీలకుడు పేర్నాటి కోటేశ్వరరెడ్డి, జిల్లా ఉపాధ్యక్షుడు డాక్టర్ సీహెచ్ ఆదిశేషయ్య, రాష్ట్ర మున్సిపల్ విభాగ కార్యదర్శి అల్లారెడ్డి ఆనంద్ రెడ్డి, పట్టణ పార్టీ అధ్యక్షుడు నాగులపాటి ప్రతాప్ రెడ్డిలను స్వప్న, పవన్ కుమార్ రెడ్డిలు శాలువాలతో సత్కరించి పూలబొకేలు అందచేసి కృతజ్ఞతలు తెలిపారు.  ఈ సందర్భంగా స్వప్న మాట్లాడుతూ ప్రజా సమస్యల పరిష్కారానికి మున్సిపల్ కౌన్సిల్‌లో తమ గళాన్ని వినిపిస్తానని, వార్డు అభివృద్ధికి కృషి చేస్తానని తెలిపారు.