ఎమ్మెల్సీ ఓటును నమోదు చేసుకోవాలి: బిఆర్ఎస్ పార్టీ రాష్ట్ర నాయకులు కె.వి.ఆర్..

ఖమ్మం–నల్లగొండ పట్టభద్రుల ఎమ్మెల్సీ ఎన్నికల్లో ఓటు హక్కును వినియోగించుకునేందుకు అర్హులైన పట్టభద్రులు తమ ఓటును వెంటనే నమోదు చేసుకోవాలని బిఆర్ఎస్ పార్టీ రాష్ట్ర నాయకులు కంకణాల . వెంకట్ రెడ్డి   ఒక ప్రకటనలో కోరారు. ఎమ్మెల్సీ ఓటరు నమోదుకు నవంబర్ 6, 2026 చివరి తేదీ కావడంతో పట్టభద్రులు నిర్లక్ష్యం చేయకుండా సకాలంలో దరఖాస్తు చేసుకోవాలని ఆయన సూచించారు. చింతపల్లి మండల పరిధిలోని వివిధ గ్రామాల్లో నివసిస్తున్న, 2023 అక్టోబర్ 31 నాటికి డిగ్రీ పూర్తి చేసిన పట్టభద్రులు ఫారం-18 ద్వారా తమ ఎమ్మెల్సీ ఓటును నమోదు చేసుకోవాలని తెలిపారు. అర్హత కలిగిన ప్రతి పట్టభద్రుడు ఈ అవకాశాన్ని సద్వినియోగం చేసుకోవాలని విజ్ఞప్తి చేశారు.ప్రజాస్వామ్యంలో ఓటు హక్కు ఎంతో విలువైనదని, సరైన నాయకులను ఎన్నుకోవడం ద్వారా సమాజ అభివృద్ధిలో ప్రతి ఒక్కరూ భాగస్వాములు కావాలని పేర్కొన్నారు. పట్టభద్రులు తమ ఓటు హక్కును వినియోగించుకోవడం ద్వారా ప్రజాస్వామ్యాన్ని మరింత బలోపేతం చేయాలని పిలుపునిచ్చారు.
నవంబర్ 6తో గడువు ముగియనున్న నేపథ్యంలో అర్హులైన పట్టభద్రులు వెంటనే ఓటరు నమోదును పూర్తి చేసుకోవాలని ఆయన కోరారు..