మాడ్గుల సింగిల్ విండో చైర్మన్ గా వై.వి గౌడ్

*మాడ్గుల సింగిల్ విండో చైర్మన్ గా వై.వి గౌడ్*

మాడ్గుల (రంగారెడ్డి)
మాడ్గుల మండల సింగిల్ విండో చైర్మన్ గా దివంగత కేంద్ర మాజీ మంత్రి , ఉత్తమ పార్లమెంటేరియన్ అవార్డు గ్రహిత సూధిని జైపాల్ రెడ్డి ప్రియశిష్యులు, డి.సి.సి అధికార ప్రతినిధి, సుద్ధపల్లి మాజీ సర్పంచ్ యాచారం వెంకటేశ్వర్లు గౌడ్ నియమితులైనట్లు విశ్వసణీయసమాచారం. మాడ్గుల మండల కాంగ్రెస్ అధ్యక్షులు గా, రెండు పర్యాయాలు సుద్ధపల్లి సర్పంచ్ గా, డిసిసి ఉపాధ్యక్షులు గా వెంకటేశ్వర్లు గౌడ్ ప్రజలు, పార్టీకి అందిన సేవలు గుర్తించి కాంగ్రెస్ అధిష్టానం ఆయనను పిఏసిఎస్ అధ్యక్షులు గా నియమించినట్లు తెలుస్తోంది. ఈ మేరకు కల్వకుర్తి ఎమ్మెల్యే కసిరెడ్డి నారాయణరెడ్డి ఇటీవలే తెలంగాణ గ్రామపంచాయతి ట్రిబ్యునల్ చైర్మన్ సూధిని రాంరెడ్డి, మాడ్గుల మండల కాంగ్రెస్ అధ్యక్షులు భట్టు కిషన్ రెడ్డి, మండల కాంగ్రెస్ ముఖ్యనాయకులతో నిర్వహించిన సమావేశంలో మాడ్గుల సింగిల్ విండో చైర్మన్ గా యాచారం వెంకటేశ్వర్లు గౌడ్ తో పాటు వైస్ చైర్మన్, డైరెక్టర్ల పేర్లతో కూడిన లిస్టును సెక్రటేరియట్ కు సంబంధిత అధికారుల ఆమోదం కొరకు పంపినట్లు సమాచారం. కాగా నేడో రేపో మాడ్గుల సింగిల్ విండొ చైర్మన్, పాలకవర్గసభ్యుల పేర్లతో కూడిన అధికారిక ఉత్తర్వులు వెలువడే అవకాశం వున్నట్లు పార్టీ వర్గాలు పేర్కొంటున్నాయి. 
-------
ఆర్.నర్సింహ్మ, మేజర్ న్యూస్ : మాడ్గుల