andhrapradesh
కోవూరు నగర్‌లో గుంతల పూడ్చివేత పనులు
అనంతపురం బ్యూరో మేజర్ న్యూస్ : కోవూరు నగర్‌లోని 46వ డివిజన్ పరిధిలో దెబ్బతిన్న పలు రహదారులకు తాత్కాలిక మరమ్మతు పనులు చేపట్టారు. స్థానిక కార్పొరేటర్ ఖాజా వలి షేక్ ఆధ్వర్యంలో శనివారం ఈ పనులు నిర్వహించారు.
డివిజన్‌లోని కొన్ని ప్రధాన రోడ్ల మధ్య ఏర్పడిన గుంతల వల్ల వాహనదారులు, పాదచారులు ఇబ్బందులు పడకుండా తాత్కాలికంగా గరుసు వేయించి రాకపోకలకు సౌకర్యం కల్పించారు.
ఈ సందర్భంగా కార్పొరేటర్ ఖాజా వలి షేక్ మాట్లాడుతూ, ప్రజల భద్రతకే తమ మొదటి ప్రాధాన్యమని స్పష్టం చేశారు. ప్రస్తుతం తాత్కాలిక ఉపశమనం కలిగించామని, ఈ రహదారులకు త్వరలోనే శాశ్వత మరమ్మతులు చేపట్టేందుకు సంబంధిత అధికారులతో కలిసి పనులు వేగవంతం చేస్తున్నామని ఆయన తెలిపారు.
