జిల్లాలో ఎన్నికలను సమర్థవంతంగా నిర్వహిస్తున్నాం :ఎస్పీ ఉమామహేశ్వర్

 చీరాల: జిల్లాలో ఎంపీటీసీ, జెడ్పీటీసీ ఎన్నికల ప్రక్రియను సమర్థవంతంగా నిర్వహిస్తున్నామని జిల్లా ఎస్పీ బి.ఉమామహేశ్వర్ తెలిపారు. ఎన్నికల నిర్వహణ, శాంతిభద్రతల పరిస్థితిని పర్యవేక్షించేందుకు గురువారం చీరాల రూరల్ పరిధిలోని గవినివారిపాలెం పోలింగ్ కేంద్రాన్ని ఆయన సందర్శించారు. అక్కడ పోలింగ్ సరళిని, భద్రతా ఏర్పాట్లను పరిశీలించారు. అనంతరం వాడరేవులోని పోలింగ్ కేంద్రాలను సందర్శించి పోలీసు బందోబస్తును, ఎన్నికల నిర్వహణ తీరును సమీక్షించారు.ఎవరైనా అల్లర్లు సృష్టించినా అవాంఛనీయ ఘటనలకు పాల్పడినా క్రిమినల్ కేసులు నమోదు చేసి కఠిన చర్యలు తీసుకుంటామని హెచ్చరించారు. అనంతరం పాపాయిపాలెం, దేశాయిపేట, కొత్తపేట గ్రామాల్లోని పోలింగ్ కేంద్రాలను కూడా ఎస్పీ పరిశీలించనున్నారు.