ఓటర్లతో సందడిగా దేవాంగపురి పోలింగ్ కేంద్రాలు

చీరాల: చీరాల మండలం జాండ్రపేట హైస్కూల్‌లో ఏర్పాటు చేసిన పోలింగ్‌ కేంద్రాల వద్ద ఓటర్ల సందడి నెలకొంది. దేవాంగపురి పంచాయతీ పరిధిలోని పోలింగ్‌ కేంద్రాలకు ఓటర్లు పెద్ద సంఖ్యలో తరలివచ్చి బారులు తీరి తమ ఓటు హక్కును వినియోగించుకున్నారు. పోలింగ్‌ ప్రక్రియ సజావుగా సాగేందుకు పోలీసులు పటిష్ట భద్రతా ఏర్పాట్లు చేపట్టారు. పోలింగ్‌ కేంద్రాల వద్ద ఎలాంటి అవాంఛనీయ ఘటనలు చోటుచేసుకోకుండా ఒకటో పట్టణ సీఐ సోమశేఖర్‌ పోలీసు సిబ్బందితో బందోబస్తును పర్యవేక్షించారు.కాగా పోలింగ్‌ కేంద్రాలను డీఎస్పీ మోయిన్‌ సందర్శించి భద్రతా ఏర్పాట్లను పరిశీలించారు. కేంద్రాల వద్ద పరిస్థితులను అధికారులను అడిగి తెలుసుకున్నారు. ప్రశాంత వాతావరణంలో పోలింగ్‌ కొనసాగేలా పోలీసు సిబ్బందికి తగు సూచనలు చేశారు.