andhrapradesh
వైఎస్సార్‌సీపీ నేత బైరెడ్డి సిద్ధార్థరెడ్డి హౌస్ అరెస్ట్
నంద్యాల:నంద్యాల జిల్లా పగడాలపల్లె మండలం ముచ్చుమర్రి గ్రామంలో తీవ్ర ఉద్రిక్త వాతావరణం నెలకొంది. వైఎస్సార్‌సీపీ యువజన విభాగం నాయకుడు బైరెడ్డి సిద్ధార్థరెడ్డిని పోలీసులు గురువారం ఉదయం ఆయన స్వగృహంలోనే హౌస్ అరెస్ట్ చేశారు.
స్థానిక సంస్థల (ఎంపీటీసీ, జెడ్పీటీసీ) ఎన్నికల్లో తన ఓటు హక్కును వినియోగించుకునేందుకు సిద్ధార్థరెడ్డి సొంత ఊరైన ముచ్చుమర్రికి వచ్చారు. ఈ క్రమంలో ఓటు వేసేందుకు ఆయన ఇల్లు దాటి బయటకు వస్తుండగా, ముందస్తు భద్రతా చర్యల్లో భాగంగా పోలీసులు ఆయనను అడ్డుకుని హౌస్ అరెస్ట్ చేస్తున్నట్లు ప్రకటించారు.
ఎన్నికల వేళ గ్రామంలో శాంతిభద్రతల సమస్యలు తలెత్తకుండా మరియు ఇరువర్గాల మధ్య గొడవలు జరగకుండా చూసేందుకే ఈ చర్యలు తీసుకున్నట్లు పోలీసులు స్పష్టం చేశారు. అయితే, సిద్ధార్థరెడ్డి హౌస్ అరెస్ట్‌తో ఆయన మద్దతుదారులు, వైఎస్సార్‌సీపీ కార్యకర్తలు తీవ్ర నిరసన వ్యక్తం చేస్తుండటంతో ముచ్చుమర్రిలో భారీగా పోలీసు బలగాలను మోహరించారు.
