కంభంపాడులో పోలింగ్ కేంద్రం వద్ద మహిళా ఓటర్ల బారులు కనీస సౌకర్యాలు కల్పించలేదంటూ ఓటర్ల అసహనం.. తాగునీటి వసతి కూడా లేదని ఆవేదన

ఎన్టీఆర్ జిల్లా, జగ్గయ్యపేట నియోజకవర్గం: వత్సవాయి మండలం కంభంపాడు గ్రామంలో పోలింగ్ కేంద్రం వద్ద మహిళా ఓటర్లు పెద్ద సంఖ్యలో బారులు తీరారు. ఓటు హక్కు వినియోగించుకునేందుకు గంటల తరబడి వేచి ఉండాల్సి రావడంతో మహిళా ఓటర్లు ఇబ్బందులు ఎదుర్కొన్నారు. పోలింగ్ కేంద్రం వద్ద కనీస సౌకర్యాలు కూడా కల్పించలేదని, కనీసం తాగునీటి ఏర్పాట్లు కూడా చేయలేదని ఓటర్లు అసహనం వ్యక్తం చేశారు. ఎండ, నిరీక్షణ మధ్య ఓటర్లు ఇబ్బందులు పడుతున్నప్పటికీ అధికారులు తగిన ఏర్పాట్లు చేయకపోవడంపై పలువురు ఆగ్రహం వ్యక్తం చేశారు. ఇప్పటికైనా సంబంధిత అధికారులు స్పందించి పోలింగ్ కేంద్రాల వద్ద కనీస సౌకర్యాలు కల్పించాలని ఓటర్లు కోరుతున్నారు.