వరద కాలువలో పడిపోయిన వ్యక్తిని కాపాడిన పోలీసులు, స్థానికులు**ఉట్లపల్లి సమీపంలో తృటిలో తప్పిన పెను ప్రమాదం

సూర్య,అశ్వారావుపేట అశ్వారావుపేట మండలం ఉట్లపల్లి సమీపంలో తృటిలో పెను ప్రమాదం తప్పింది. భారీ వర్షాలతో రోడ్డుపై ఉధృతంగా ప్రవహిస్తున్న వరద నీటిలో ద్విచక్ర వాహనంపై రోడ్డు దాటుతున్న వ్యక్తి అదుపు తప్పి వరద కాలువలో పడిపోయాడు.వరద ఉధృతికి బైక్ తో సహా కొట్టుకుపోతున్న వ్యక్తిని గమనించిన అక్కడే విధుల్లో ఉన్న పోలీసులు, స్థానికులు వెంటనే స్పందించారు.ప్రాణాలకు తెగించి వరద నీటిలోకి దిగి, కొట్టుకుపోతున్న వ్యక్తిని పట్టుకుని సురక్షితంగా బయటకు లాగారు. 

వెంటనే అతడికి ప్రాథమిక సహాయం అందించారు.పోలీసులు, స్థానికులు సకాలంలో స్పందించకపోయి ఉంటే పెద్ద ప్రమాదం జరిగి ఉండేదని  చెబుతున్నారు.ప్రాణాలను పణంగా పెట్టి వ్యక్తిని కాపాడిన పోలీసులను, స్థానికులను గ్రామస్తులు అభినందిస్తున్నారు.

సూర్య రిపోర్టర్ మునీర్ అశ్వరావుపేట