రెండ్లగూడ లో ఖేత్ బచావో అభియాన్ కార్యక్రమం

సూర్య, జన్నారం : జన్నారం మండలం రెండ్లగూడ గ్రామ పంచాయతీలో సర్పంచ్ అల్లం మాధవి రవి అధ్యక్షతన ఖేత్ బచావో అభియాన్ (వ్యవసాయాన్ని కాపాడండి) కార్యక్రమం నిర్వహించారు. రైతులు నేల ఆరోగ్యాన్ని కాపాడుతూ పంటలు సాగు చేయాలని, రసాయన మందుల వాడకాన్ని తగ్గించి సేంద్రీయ ఎరువులను ఉపయోగించాలని, వరి కొయ్యలను కాల్చకూడదని ఏఈవో సయ్యద్ అక్రముల్లా సూచించారు. అలాగే యాసంగిలో ఆరుతడి పంటలు సాగు చేయాలని, ఫార్మర్ రిజిస్ట్రీ చేసుకొని రైతులు వెంటనే నమోదు చేసుకోవాలని రైతులతో మాట్లాడారు. ఈ కార్యక్రమంలో కార్యదర్శి శ్రీనివాస్, గ్రామ ఉప సర్పంచ్, వార్డు సభ్యులు, రైతులు పాల్గొన్నారు.