జేగురుపాడులో వైసీపీ ప్రచార జోరు.. భారీ పాదయాత్ర
ఫ్యాన్ గుర్తుపై ఓటేసి వైసీపీ అభ్యర్థులను గెలిపించాలి – యాదల స్టాలిన్
కడియం ,మేజర్ న్యూస్, స్థానిక సంస్థల ఎన్నికల నేపథ్యంలో కడియం మండలం జేగురుపాడు గ్రామంలో వైఎస్సార్ కాంగ్రెస్ పార్టీ ఎన్నికల ప్రచారం జోరుగా సాగింది. వైసీపీ మండల పార్టీ అధ్యక్షుడు యాదల స్టాలిన్ ఆధ్వర్యంలో పార్టీ నాయకులు, కార్యకర్తలు భారీ పాదయాత్ర నిర్వహిస్తూ ఇంటింటా ప్రచారం చేపట్టారు.
ఈ కార్యక్రమానికి ముఖ్య అతిథిగా వైసీపీ జిల్లా అధ్యక్షుడు, నియోజకవర్గ కోఆర్డినేటర్ చెల్లుబోయిన వేణుగోపాలకృష్ణ హాజరయ్యారు. గ్రామంలోని పలు ప్రాంతాల్లో పర్యటించి, ప్రతి ఇంటికి వెళ్లి ఓటర్లను కలుసుకున్నారు. రానున్న ఎన్నికల్లో ఫ్యాన్ గుర్తుపై తమ అమూల్యమైన రెండు ఓట్లు వేసి, జడ్పీటీసీ అభ్యర్థి కొత్తపల్లి నాగ శివాజీతో పాటు ఎంపీటీసీ అభ్యర్థులు వరసాల పూర్ణలత, గరగపర్తి రేవతి సింధులను అఖండ మెజారిటీతో గెలిపించాలని ఓటర్లను అభ్యర్థించారు.
ఈ ప్రచార కార్యక్రమంలో ఆకుల సుధాకర్, నాగిరెడ్డి మోహన్, షటర్ బాషా, హమీద్ బాషా, ఇబ్రహీం బాషా, కొల్లి నాని, సాక కిరణ్, బల్ల అన్నవరం తదితర వైసీపీ నాయకులు, కార్యకర్తలు పాల్గొన్నారు.
