నల్ల పోచమ్మ అమ్మవారి ఆశీస్సులతో ప్రజలకు సుఖసంతోషాలు కలగాలి: కూన శ్రీశైలం గౌడ్

జీడిమెట్ల మేజర్ న్యూస్ :రాష్ట్రంలో సమృద్ధిగా వర్షాలు కురిసి, ప్రజలకు నీటి ఎద్దడి లేకుండా సుఖసంతోషాలతో జీవించాలని కుత్బుల్లాపూర్ మాజీ ఎమ్మెల్యే, కాంగ్రెస్ పార్టీ రాష్ట్ర నాయకులు కూన శ్రీశైలం గౌడ్ ఆకాంక్షించారు. చింతల్ డివిజన్ పరిధిలోని సంజీవయ్య నగర్ నల్ల పోచమ్మ ఆలయ ప్రాంగణంలో చింతల్, కుత్బుల్లాపూర్ ఆర్యవైశ్య సంఘం ఆధ్వర్యంలో నిర్వహించిన వరుణ యాగానికి ఆయన ముఖ్య అతిథిగా హాజరయ్యారు. ఈ సందర్భంగా యాగంలో పాల్గొని నల్ల పోచమ్మ అమ్మవారిని దర్శించుకుని ప్రత్యేక పూజలు నిర్వహించారు. అనంతరం కూన శ్రీశైలం గౌడ్ మాట్లాడుతూ నల్ల పోచమ్మ అమ్మవారి కృపాకటాక్షాలతో రాష్ట్రం సుభిక్షంగా ఉండాలని, సమృద్ధిగా వర్షాలు కురిసి ప్రజలందరూ ఆయురారోగ్యాలతో, సుఖసంతోషాలతో జీవించాలని అమ్మవారిని ప్రార్థించినట్లు తెలిపారు. ఈ సందర్భంగా ఆలయ కమిటీ సభ్యులు కూన శ్రీశైలం గౌడ్‌ను శాలువాతో ఘనంగా సత్కరించి తీర్థప్రసాదాలు అందజేశారు. ఈ కార్యక్రమంలో ఆర్యవైశ్య సంఘం ప్రతినిధులు విజయ్ గుప్తా, ప్రభు రాజు గుప్తా, శ్రీనివాస్ గుప్తా, కృష్ణ, రాజు, ఆంజనేయులు గుప్తా తదితరులతో పాటు పెద్ద సంఖ్యలో భక్తులు పాల్గొన్నారు.