పాలమూరు బయోసైన్స్ ను సందర్శించిన వీసీ
పాలమూరు యూనివర్సిటీ మేజర్ న్యూస్ -
పాలమూరు యూనివర్సిటీ,మేజర్ న్యూస్ -
పాలమూరు యూనివర్సిటీ వీసీ ఆచార్య జి.ఎన్. శ్రీనివాస్, రిజిస్ట్రార్ ప్రొఫెసర్ పి. రమేష్ బాబు శుక్రవారం పాలమూరు బయోసైన్స్‌ను సందర్శించారు. అక్కడి పరిశోధనా సదుపాయాలు, ప్రయోగశాలలు, ఆధునిక పరికరాలను పరిశీలించారు.
ఈ సందర్భంగా బయోసైన్స్‌లో కొనసాగుతున్న పరిశోధనలు, ప్రయోగశాలల పనితీరు, పరిశోధకులకు అందుబాటులో ఉన్న సదుపాయాల గురించి ప్రొఫెసర్లు, శాస్త్రవేత్తలను అడిగి తెలుసుకున్నారు. పరిశోధనలను మరింత బలోపేతం చేయాలని, విద్యార్థులకు పరిశోధనాత్మక పరిజ్ఞానాన్ని అందించాలని సూచించారు.
ఈ కార్యక్రమంలో పాలమూరు బయోసైన్స్ ప్రతినిధులు, అకడమిక్ ఆడిట్ సెల్ సంచాలకులు ప్రొఫెసర్ చంద్రకిరణ్, ప్రొఫెసర్ కిషోర్, ప్రొఫెసర్ నూర్జహాన్, డాక్టర్ వేణు, డాక్టర్ లక్ష్మి తదితరులు పాల్గొన్నారు.
ఎం.ఓం ప్రకాష్ -పాలమూరు యూనివర్సిటీ.మహబూబ్ నగర్
