జగ్గయ్యపేట మున్సిపల్ చైర్మన్‌గా గెలుపొందిన శ్రీమతి నరేంద్రుల వినీత విజయోత్సవ ర్యాలీ
జగ్గయ్యపేట మున్సిపల్ చైర్మన్‌గా గెలుపొందిన శ్రీమతి నరేంద్రుల వినీత విజయోత్సవ ర్యాలీ
జగ్గయ్యపేట మేజర్ న్యూస్ :- నవంబర్ 3:
ఈరోజు వెలువడిన మున్సిపల్ ఎన్నికల ఫలితాల్లో జగ్గయ్యపేట మున్సిపల్ చైర్మన్‌గా గెలుపొందిన శ్రీమతి నరేంద్రుల వినీత (శ్రీరామ్) విజయోత్సవ ర్యాలీ పట్టణంలో ఘనంగా జరిగింది.
ర్యాలీ S.G.S కాలేజీ వద్ద నుంచి ప్రారంభమై విజయవాడ రోడ్డు మీదుగా కమలా సెంటర్ వరకు సాగింది. అక్కడి నుంచి బస్టాండ్ మీదుగా బంగారుకొట్ల సెంటర్ కి చేరుకుని, శాసనసభ్యులు శ్రీరామ్ రాజగోపాల్ (తాతయ్య) నివాసం వద్ద ముగిసింది.
ఈ ర్యాలీలో శాసనసభ్యులు శ్రీరామ్ రాజగోపాల్ (తాతయ్య) మాజీ మున్సిపల్ చైర్మన్ శ్రీరామ్ సుబ్బారావు , యువనాయకులు శ్రీరామ్ ధనుంజయ (చినబాబు) శ్రీరామ్ సాయి ప్రసాద్ సహా పలువురు నాయకులు, కార్యకర్తలు, అభిమానులు పాల్గొన్నారు.
దారి పొడవునా పట్టణ ప్రజలు పూలవర్షం కురిపిస్తూ, బాణసంచా కాలుస్తూ నూతన చైర్మన్‌కు అభినందనలు తెలిపారు.
ఈ సందర్భంగా శ్రీమతి వినీత మాట్లాడుతూ తనను గెలిపించిన పట్టణ ప్రజలకు, నాయకులకు, కార్యకర్తలకు కృతజ్ఞతలు తెలిపారు. అందరి సహకారంతో జగ్గయ్యపేట అభివృద్ధికి, ప్రజా సమస్యల పరిష్కారానికి కృషి చేస్తానని హామీ ఇచ్చారు.
రిపోర్టర్ :-శివ జగ్గయ్యపేట నియోజకవర్గం ఎన్టీఆర్ జిల్లా
