బొప్పలి వెంకటేష్ యాదవ్‌కు సేవారత్న అవార్డు
కొండాపూర్,మేజర్ న్యూస్ : జాతీయ యాదవ హక్కుల పోరాట సమితి రాష్ట్ర ఉపాధ్యక్షులు బొప్పలి వెంకటేష్ యాదవ్‌కు ప్రతిష్టాత్మకమైన ‘సేవారత్న అవార్డు’ ప్రదానం చేశారు.హైదరాబాద్‌లోని రవీంద్రభారతి మెయిన్ హాల్‌లో శ్రీ వాగ్దేవి వాద్య సంగీత కళా నృత్య సంస్కృతి సంస్థ, శ్రీ నటరాజ నృత్య సంగీత అకాడమీ సంయుక్త ఆధ్వర్యంలో నిర్వహించిన ‘స్వర సప్త సంగీత వాద్య నృత్య సమ్మేళనం’ కార్యక్రమంలో ఈ అవార్డును అందజేశారు.సమాజ సేవలో ఆయన అందిస్తున్న సేవలను గుర్తించిన నిర్వాహకులు బొప్పలి వెంకటేష్ యాదవ్‌ను అవార్డుతో ఘనంగా సత్కరించారు. ఈ సందర్భంగా పలువురు కళాకారులు, ప్రముఖులు, సాంస్కృతిక రంగానికి చెందిన ప్రతినిధులు ఆయనకు అభినందనలు తెలిపారు.ee కార్యక్రమ నిర్వాహకులు, ఫౌండర్ బి. నాగేంద్ర యాదవ్ మాట్లాడుతూ బొప్పలి వెంకటేష్ యాదవ్ సేవలను అభినందించారు. భవిష్యత్తులో ఆయన మరిన్ని సేవా కార్యక్రమాలు చేపట్టి ఉన్నత స్థాయికి ఎదగాలని ఆకాంక్షించారు.
