జాతీయ గ్రంథాలయ వారోత్సవాలు ప్రారంభం విద్యార్థులు గ్రంథాలయాలను సద్వినియోగం చేసుకోవాలి

పలమనేరు మేజర్ న్యూస్ పలమనేరు శాఖా గ్రంథాలయంలో జాతీయ గ్రంథాలయ వారోత్సవాలు శనివారం ఘనంగా ప్రారంభమయ్యాయి. భారత తొలి ప్రధానమంత్రి పండిట్ జవహర్‌లాల్ నెహ్రూ 137వ జయంతిని పురస్కరించుకుని ఆయన దేశానికి అందించిన సేవలను ఈ సందర్భంగా స్మరించుకున్నారు.ఈ సందర్భంగా గ్రంథాలయ అధికారి మాట్లాడుతూ విద్యార్థుల్లో పఠనాసక్తిని పెంపొందించడంలో గ్రంథాలయాలు కీలక పాత్ర పోషిస్తాయని తెలిపారు. పుస్తక పఠనం ద్వారా విజ్ఞానం, ఆలోచనా శక్తి, వ్యక్తిత్వ వికాసం పెంపొందుతాయని పేర్కొన్నారు. ప్రతి విద్యార్థి గ్రంథాలయాన్ని సందర్శించి అందుబాటులో ఉన్న పుస్తకాలను చదివే అలవాటు చేసుకోవాలని సూచించారు.ఈ కార్యక్రమంలో పలువురు విద్యార్థినీ, విద్యార్థులు పాల్గొన్నారు.

అనిల్ కుమార్ యాదవ్