ఘనంగా గురుశ్రేష్ఠ అవార్డుల ప్రధాన కార్యక్రమం

సూర్య నిర్మల్ జిల్లా ప్రతినిధి. : నిర్మల్ పట్టణంలో ట్రస్మా (తెలంగాణ గుర్తింపు పొందిన ప్రైవేట్ పాఠశాలల యాజమాన్య సంఘం) నిర్మల్ జిల్లా ఆధ్వర్యంలో ఆర్. కె. ఫంక్షన్ హల్ లో నిర్వహించిన గురుశ్రేష్ఠ అవార్డుల ప్రధాన కార్యక్రమం ఘనంగా జరిగింది. ఈ కార్యక్రమానికి నిర్మల్ మున్సిపల్ ఛైర్‌పర్సన్ శ్రీమతి అప్పాల కావ్య , మున్సిపల్ వైస్ చైర్మన్ అప్పాల గణేష్ చక్రవర్తి  ముఖ్య అతిథులుగా హాజరయ్యారు.ఈ సందర్భంగా వారు మాట్లాడుతూ సమాజ నిర్మాణంలో ఉపాధ్యాయుల పాత్ర ఎంతో కీలకమని, విద్యార్థుల భవిష్యత్తును తీర్చిదిద్దడంలో ఉపాధ్యాయుల కృషి మరువలేనిదని పేర్కొన్నారు. విద్యార్థులకు విద్యాబుద్ధులతో పాటు క్రమశిక్షణ, నైతిక విలువలు నేర్పిస్తూ ఉత్తమ పౌరులుగా తీర్చిదిద్దుతున్న ఉపాధ్యాయుల సేవలు అభినందనీయమన్నారు.విద్యారంగ అభివృద్ధికి కృషి చేస్తున్న ఉపాధ్యాయులను గుర్తించి గురుశ్రేష్ఠ అవార్డులతో సత్కరించడం అభినందనీయమని తెలిపారు. ఈ సందర్భంగా అవార్డులు అందుకున్న ఉపాధ్యాయులకు శుభాకాంక్షలు తెలియజేశారు.ఈ కార్యక్రమంలో కౌన్సిలర్లు ఎస్పీ రాజు, కత్తి నరేందర్, మాజీ కౌన్సిలర్ తోట నర్సయ్య, ట్రస్మా జిల్లా ప్రతినిధులు, ప్రైవేట్ పాఠశాలల యాజమాన్యాలు, ఉపాధ్యాయులు, విద్యారంగ ప్రముఖులు తదితరులు పాల్గొన్నారు.