సూర్య ఆదిలాబాద్ ప్రతినిధి : ఆదిలాబాద్ జిల్లా కాంగ్రెస్ కార్యాలయంలో భారతరత్న, భారతదేశ తొలి ప్రధానమంత్రి, స్వర్గీయ పండిట్ జవహర్‌లాల్ నెహ్రూ గారి జయంతి వేడుకలను ఘనంగా నిర్వహించారు. ఈ కార్యక్రమంలో కాంగ్రెస్ శ్రేణులతో కలిసి ఆదిలాబాద్ మార్కెట్ కమిటీ చైర్మన్ బోరంచు శ్రీకాంత్ రెడ్డి , టీపీసీసీ జనరల్ సెక్రటరీ గండ్రత్ సుజాత మాజీ మార్కెట్ చైర్మన్ అల్లూరి సంజీవ్ రెడ్డి మాజీ డీసీసీ అధ్యక్షులు సాజిద్ ఖాన్ గారు, జిల్లా కాంగ్రెస్ అధికార ప్రతినిధి బాలూరి గోవర్ధన్ రెడ్డి కలిసి పండిట్ జవహర్‌లాల్ నెహ్రూ చిత్రపటానికి పూలమాలలు వేసి ఘనంగా నివాళులర్పించారు. అనంతరం బాలల దినోత్సవాన్ని పురస్కరించుకొని ఆదిలాబాద్‌లోని విజయ డైరీ పక్కన ఉన్న విజ్ఞాన్ స్పెషల్ స్కూల్‌ను సందర్శించి, అక్కడి చిన్నారులతో కలిసి వేడుకల్లో పాల్గొన్నారు. ఈ సందర్భంగా విద్యార్థులకు బిస్కెట్లు, పెన్సిళ్లు, పెన్నులు పంపిణీ చేసి, వారితో కొంత సమయం ఆనందంగా గడిపారు. దేశ ఆర్థిక వ్యవస్థను బలోపేతం చేయడానికి ప్రణాళికాబద్ధమైన అభివృద్ధికి శ్రీకారం చుట్టి, వ్యవసాయం, పారిశ్రామిక రంగం, విద్య, వైద్యం మరియు సాగునీటి ప్రాజెక్టుల అభివృద్ధికి ప్రాధాన్యతనిచ్చారని పేర్కొన్నారు. ప్రజాస్వామ్య వ్యవస్థ బలోపేతం, లౌకికవాదం, సామాజిక సమానత్వానికి నెహ్రూ అందించిన సేవలు చిరస్మరణీయమని ఈ సందర్భంగా నేతలు వారి సేవలను స్మరించుకున్నారు. ఈ కార్యక్రమంలో కాంగ్రెస్ నాయకులు, కార్యకర్తలు, పాఠశాల ఉపాధ్యాయులు, సిబ్బంది తదితరులు పాల్గొన్నారు.
