గ్రామ అభివృద్ధికి కృషి- నామినేషన్ దాఖలు చేసిన మట్ట వనజాక్షి

కొయ్యలగూడెం రూరల్  , మేజర్ న్యూస్ :పరింపుడి గ్రామపంచాయతీ సర్పంచ్ అభ్యర్థినిగా గ్రామానికి చెందిన మాజీ మండల పరిషత్ అధ్యక్షులు మట్ట సత్యనారాయణ భార్య మాజీ వైస్ ఎంపీపీ మట్ట వనజాక్షి ఆదివారం పరింపూడి  గ్రామపంచాయతీ కార్యాలయం వద్ద ఎన్నికల అధికారి రవి కి నామినేషన్ ను అందచేశారు.  ఈ సందర్భంగా ఆమె మాట్లాడుతూ గ్రామ అభివృద్ధి కోసం కృషి చేస్తానని, తన భర్త ఎంపీపీగా ఉన్నప్పుడు మండలాన్ని అభివృద్ధి పథంలో నడిపించారని, తాను వైస్ ఎంపీపీ గా కొనసాగినంత కాలం పట్టణాన్ని అభివృద్ధి పథంలో నడిపించడం జరిగిందని, సర్పంచ్ గా ఇప్పుడు నామినేషన్ వేయడం జరిగిందని గ్రామస్తులంతా తమ అమూల్యమైన ఓటును వేసి తనను గెలిపించాలని ఆమె ప్రజలను కోరారు. ఈ కార్యక్రమంలో జనసేన పార్టీ మండల అధ్యక్షులు తోట రవి, టిడిపి పట్టణ మాజీ అధ్యక్షులు జేష్ట రామకృష్ణారావు, తాడికొండ మురళీకృష్ణ, పైడి ముక్కల కృష్ణ, కూటమి పార్టీల నాయకులు, గ్రామస్తులు వందల సంఖ్యలో పాల్గొన్నారు.