మెరుగైన రవాణా సౌకర్యం కోసం సీసీ రోడ్ల నిర్మాణం మున్సిపల్ చైర్‌పర్సన్ మోటే సుమలత శ్రీకాంత్
పటాన్‌చెరు, ఇస్నాపూర్ మున్సిపాలిటీ పరిధిలో ప్రజలకు మెరుగైన రవాణా సౌకర్యం కల్పించడంతో పాటు కాలనీల్లో మౌలిక సదుపాయాలను అభివృద్ధి చేసేందుకు ప్రాధాన్యత ఇస్తున్నట్లు మున్సిపల్ చైర్‌పర్సన్ మోటే సుమలత శ్రీకాంత్ తెలిపారు. ఇందులో భాగంగా ఆదివారం 8వ వార్డులో ప్రజల సౌకర్యార్థం చేపట్టనున్న సీసీ రోడ్ల నిర్మాణ పనులకు ఆమె శంకుస్థాపన చేశారు.ఈ సందర్భంగా చైర్‌పర్సన్ మాట్లాడుతూ వార్డులో రహదారి సౌకర్యాలను మెరుగుపరచడం ద్వారా ప్రజలకు నిత్యం రాకపోకల్లో ఎదురవుతున్న ఇబ్బందులను తగ్గించవచ్చని తెలిపారు.సీసీ రోడ్ల నిర్మాణంతో కాలనీవాసులకు ప్రయాణ సౌకర్యం మెరుగుపడటంతో పాటు వర్షాకాలంలో రహదారులపై ఏర్పడే ఇబ్బందులు కూడా తగ్గుతాయని పేర్కొన్నారు. నిర్మాణ పనుల్లో నాణ్యతా ప్రమాణాలు కచ్చితంగా పాటించాలని,నిబంధనల ప్రకారం పనులు చేపట్టి నిర్ణీత సమయంలో పూర్తి చేయాలని సూచించారు.మున్సిపాలిటీ పరిధిలో ప్రజల అవసరాలను గుర్తించి దశలవారీగా అభివృద్ధి పనులు చేపడుతున్నామని తెలిపారు.రహదారులు,డ్రైనేజీ వంటి మౌలిక సదుపాయాల కల్పనకు ప్రాధాన్యతనిస్తూ కాలనీల అభివృద్ధికి కృషి చేస్తున్నామని పేర్కొన్నారు. ప్రజలకు మెరుగైన సౌకర్యాలు అందించడమే లక్ష్యంగా అభివృద్ధి పనులు కొనసాగిస్తున్నామని తెలిపారు.
ఈ కార్యక్రమంలో పట్లోళ్ల మాధవి నరేందర్ రెడ్డి, కౌన్సిలర్లు కిషోర్ రెడ్డి,రాహుల్ రెడ్డి,కాలనీవాసులు,స్థానిక ప్రముఖులు తదితరులు పాల్గొన్నారు.
