భక్తిభావానికి ప్రతిరూపం

సాయిబాబా ఆలయ నిర్మాణానికి రూ.లక్ష విరాళం

ఆధ్యాత్మిక సేవలో భాగస్వామ్యం

భోగాపురం, (మేజర్ న్యూస్): ఆధ్యాత్మిక చింతనతో పాటు దైవ కార్యాలకు తనవంతు చేయూతనందించడం ప్రతి ఒక్కరికీ ఆదర్శప్రాయమని భావించే పడాల త్రివిక్రమరావు అలియాస్ చిన్న, భోగాపురం ఎస్సీ, బీసీ కాలనీలో నిర్మిస్తున్న శ్రీ షిరిడీ సాయిబాబా ఆలయానికి రూ.లక్ష ఆర్థిక సహాయం అందించి తన ఉదారతను చాటుకున్నారు. ఆలయ నిర్మాణం దైవసేవగా భావించి, భక్తుల ఆధ్యాత్మిక ఆకాంక్షలకు అండగా నిలవడం అభినందనీయమని స్థానికులు పేర్కొన్నారు. త్రివిక్రమరావు అందించిన లక్ష రూపాయల విరాళం ఆలయ నిర్మాణ పనులకు ఎంతగానో తోడ్పడనుంది. ఈ కార్యక్రమంలో సుందర హరీష్, పళ్ళ రాంబాబు, కోలా సతీష్, చల్ల జగదీష్ స్వామి, ఆయా ప్రాంతానికి చెందిన భక్తులు పాల్గొన్నారు.

 రిపోర్టర్ : వై శ్రీనివాస్, భోగాపురం.