telangana
కోరా జాన్సన్ ఏఎన్‌సీ పాఠశాలల్లో ఘనంగా బాలల దినోత్సవ వేడుకలు
సూర్య కరీంనగర్ : నవంబర్ 14 న పండిట్ జవహర్‌లాల్ నెహ్రూ పుట్టినరోజు సందర్భంగాకోరా జాన్సన్ ఏఎన్‌సీ పాఠశాలల్లో బాలల దినోత్సవ వేడుకలను విద్యార్థుల ఆనందోత్సాహాల మధ్య ఘనంగా నిర్వహించారు.ఈ కార్యక్రమాన్ని పాఠశాల చైర్మన్ మహిపాల్ రెడ్డి, డైరెక్టర్లు వరప్రసాద్, రామ్ రెడ్డి, సింహాచలం హరికృష్ణ, వంగల సంతోష్ రెడ్డి ప్రారంభించారు.ఈ సందర్భంగా నిర్వహించిన సెల్ఫ్ గవర్నమెంట్ డే కార్యక్రమం ప్రత్యేక ఆకర్షణగా నిలిచింది. ఈ కార్యక్రమంలో విద్యార్థులు ఉపాధ్యాయుల పాత్రలను పోషించి, వివిధ తరగతుల్లో ఉపాధ్యాయులుగా మారి పాఠాలు బోధించారు. పాఠశాల నిర్వహణలో ఉపాధ్యాయుల బాధ్యతలను స్వయంగా నిర్వహిస్తూ తమ ప్రతిభను చాటుకున్నారు.విద్యార్థులు ఎంతో ఉత్సాహంగా, ఆత్మవిశ్వాసంతో ఉపాధ్యాయుల పాత్రలను పోషించడం అందరినీ ఆకట్టుకుంది.విద్యార్థులు ప్రదర్శించిన వివిధ సాంస్కృతిక కార్యక్రమాలు, ఆటలు మరియు వినోద కార్యక్రమాలు అందరినీ అలరించాయి
